Kumbukumbu 1:7 - Biblia Kikutu

⁷ sambi tuleni ng'hambi yenu mugendelele na mwanza. Gendeni kuna ivigongo va isi ya Waamoli na isi ili behi ako Alaba, kuvigongo na kubonde ako Negebu na mwhani. Mugende mbaka mwiisi ya Kanaani na isi ya Lebanoni mbaka ako kuna ulwanda mkulu wa Fulate.

Kumbukumbu 1:7 ပူးပေါင်းရင်းမြစ်များ

Mwanduso 12:9

Abaho Abulamu kagendelela na mwanza kuchola mwambu wa Negebu ubanzi wa kusini.

2 Samweli 8:3

Vivija Daudi kamtowa Hadadezeli mndewa wa Soba mwanage Lehobu, kipindi viyacholile kuhabweza mmakono gake hanhu ha lwanda lwa Fulate.

Kulawa 23:31

Zimbaka za isi yenu zokuwa kulawa bahali ya Shamu mbaka bahali ya Meditelania na kulawa kuluwala mbaka muulwanda lwa Fulate, kwavija nowagela wanhu wa isi ayo mmakono genu, na mweye mowawinga.

Kupetigwa 10:12

na Waizilaeli wasonga mwanza wa kusegela kuluwala lwa Sinai. Wingu dijo disegela na abaho dima kuluwala lwa Palani.

Kumbukumbu 1:19

“Avo kamba Mndewa Imulungu, Imulungu wetu viyatulagize, tusonga mwanza wetu kulawa kulugongo lwa Holebu, tubita ako kuluwala lugela bwembwe, tugoga inzila ichola kuna iisi ya kuvigongo va Waamoli. Vituvikile Kadeshi Balinea,

Kumbukumbu 11:11

Lakini isi yumuchola kuisola, imema vigongo na makonde, isi ayo yotowiligwa na mvula.

Kumbukumbu 11:24

Hanhu hohose honda mukanyage kwa magulu genu hokuwa henu. Zimbaka zenu zosongela kuluwala mbaka Lebanoni na kulawa lwanda lwa Fulate mbaka bahali ya Meditelania.

Yoshua 1:4

Imbaka ya isi yenu yokuwa, kulawa mwambu wa kusini wa luwala mbaka isi ya Lebanoni mbaka kuna ulwanda mkulu lwa Fulate, na isi yose ya Wahiti mbaka kuna ibahali ing'hulu umwambu wa kudihongela zuwa, ayo yose yokuwa isi yenu.

Yoshua 10:40

Avo Yoshua kaisola isi yose, isi ili kuvigongo na isi ya Negebu na kudibawe na kuna imitelemuko. Kawakoma iwandewa wose na hamulekile hata munhu imoja, ila kawalava ili wabanangigwe iwanhu wose kamba viyamulagize Mndewa Imulungu, Imulungu wa Izilaeli.

Yoshua 24:15

Kamba haviwanogela bule mgameso genu kumsang'hanila Mndewa Imulungu, avo lelo didino saguleni ayo yonda mumsang'hanile, kamba imilungu iwaisang'hanile iwahenga zenu ako umwambu wa ulwanda hebu imilungu ya Waamoli awo omukala mwiisi yao sambi. Lakini niye na iwanhu wa mng'anda mmwangu tomsang'hanila Mndewa Imulungu.”

Yoshua 9:1

Iwandewa wose wakalile umwambu wa lwanda lwa Yolidani, mna iisi ya vigongo na kudibawe na isi yose ili behi na ibahali ing'hulu kulongozela Lebanoni, Wahiti na Waamoli na Wakanaani na Wapelizi na Wahivi na Wayebusi viwahulike mbuli ayo,

Ugubulo 9:14

Sauti ayo imulongela msenga wa sita wa kuulanga yakalile na mhalati, “Walekese wasenga wane wa Mwenembago wagodekigwe hana ulwanda mkulu wa Fulate!”