Kumbukumbu 1:30 - Biblia Kikutu

³⁰ Mndewa Imulungu, Imulungu wenu, ayo yowalongolela, heyo mwenyego koitowa na hewo mbuli yenu kamba viyatendile kuno molola ako Misili,

Kumbukumbu 1:30 ပူးပေါင်းရင်းမြစ်များ

Zabuli 46:11

Mndewa Imulungu yeli na udahi wose kahamoja na siye, Imulungu wa Yakobo ayo ngome yetu.

Kulawa 10:21

Abaho Mndewa Imulungu kamulongela Musa, “Golosa mkono wako uchanha kuulanga, isi ya Misili iwe na ziza, wanhu wababase babase mdiziza.”

Kulawa 14:14

Mndewa Imulungu kowagombela, mweye nyamaleni.”

Kulawa 14:25

Kagatenda malingi ga mituka yao galemelwe kutembela goya. Wamisili walonga, “Tusegele hano, Mndewa Imulungu kowagombela Waizilaeli.”

Kulawa 19:4

‘Mweye wenyego mugoga gaja ganiwatendele Wamisili, na vija viniwasegese mweye kamba jola viyogasegesa makinda gake kwa mabawa gake, niwagala kumwangu.

Walumi 8:31

Mzimbuli zose zino, tulonge choni, Imulungu yahawa ubanzi wetu, nani yodaha kututenda mbuli yoyose?

Walumi 8:37

Bule, mzimbuli zose zino tuhuma ng'hani kubitila heyo yotunogela siye!

Kumbukumbu 1:29

“Lakini niye niwalongela vino, ‘Sikumunyawenyawe na sikumuwadumbe wanhu awo.

Kumbukumbu 11:3

na vilaguso vake na gaja gayamtendele Falao, imndewa wa Misili na isi yake yose.

Kumbukumbu 29:2

Musa kawakema Waizilaeli wose kawalongela, “Mugona kwa meso genu wenyego gaja Mndewa Imulungu gayamtendele Falao, imndewa wa Misili, na iwasang'hanaji zake wose na isi yake yose.

Kumbukumbu 3:22

Sikumuwadumbe, kwavija Mndewa Imulungu, Imulungu wenu koitowa na hewo mbuli yenu.’

Kumbukumbu 31:3

Mndewa Imulungu, Imulungu wenu, kowalongolela na kowakoma iwanhu wa isi zili kuko, ili muisole isi yao, na Yoshua kokuwa kilongozi wenu kamba viyalongile Mndewa Imulungu.

Kumbukumbu 34:11

Haduhu mtula ndagu iyagwe yatendile vilaguso na unzonza kamba uja Mndewa Imulungu uyamtumile Musa yautende mgameso ga Falao mndewa wa Misili, na iwakulu wake na isi yake yose.

Kumbukumbu 4:34

Vino kuna imulungu yoyose iyagwe yagezile kusola iwanhu wake kulawa mwiisi ya iwanhu wayagwe, kamba viyatendile Mndewa Imulungu, Imulungu wenu? Heyo katenda avo kwa magazo na vilaguso na unzonza na ng'hondo na kwa nguvu yake ng'hulu, katenda vinhu vigela bwembwe na mweye mugona gose ago kwa meso genu ako Misili.

Kumbukumbu 7:18

Sikumuwadumbe, kumbukeni gaja Mndewa Imulungu, Imulungu wenu, gayamtendele Falao na iwanhu wose wa Misili.

Yoshua 10:14

Hainalawilila siku kamba ayo ako umwaka hebu ako kumwande, siku ayo Mndewa Imulungu kamwidika munhu kamba avo, kwavija Mndewa Imulungu kakala kowagombela Waizilaeli.

Yoshua 10:42

Yoshua kaisola isi ayo yose na iwandewa wose kwa mwanza umoja, kwavija Mndewa Imulungu, Imulungu wa Izilaeli kawagombela.

Yoshua 23:3

Na mweye mona gose Mndewa Imulungu, Imulungu wenu gayawatendele iwanhu wa isi azo mbuli yenu mweye, kwavija Mndewa Imulungu, Imulungu wenu ayo yawagombele.