Kumbukumbu 1:3 - Biblia Kikutu

³ Siku ya ichanduso ya mwezi wa longo na moja, mwaka wa malongo mane, toka Waizilaeli viwasegele Misili, Musa kawalongela wanhu kila kinhu kiyamulagize Mndewa Imulungu yawalongele.

Kumbukumbu 1:3 ပူးပေါင်းရင်းမြစ်များ

Walawi 27:34

Gano gago malagizo ga Mndewa Imulungu gayamgwelele Musa yawalongele wanhu wose wa Izilaeli kuko kulugongo lwa Sinai.

Kupetigwa 1:1

Mna isiku ya ichanduso ya mwezi wa kabili, mwaka wa kabili Waizilaeli viwalawile Misili, Mndewa Imulungu kalonga na Musa mdihema da mting'hano ako kuluwala lwa Sinai, kamulongela,

Kupetigwa 20:1

Wanhu wose Waizilaeli, wavika kuluwala lwa Sini, mna umwezi wa ichanduso weka ng'hambi yao ako Kadeshi. Viwakalile kuko Miliamu kafa na kazikigwa.

Kupetigwa 33:38

Kwa kulagizwa na Mndewa Imulungu, Haluni imulava nhosa kakwela kulugongo lwa Holi na kafila kuko, kuna isiku ya ichanduso ya mwezi wa tano, mwaka wa malongo mane toka Waizilaeli viwasegele mwiisi ya Misili.

Yoshua 4:19

Waizilaeli waloka ulwanda lwa Yolidani mna isiku ya longo ya mwezi wa ichanduso, na weka ng'hambi ako Giligali, umwambu wa kudilawila zuwa wa Yeliko.