Kulawa 5:2 - Biblia Kikutu

² Lakini Falao kawauza, “Mndewa Imulungu ayo nani mbaka nimtegeleze na niwaleke Waizilaeli wasegele? Niye simjuwile bule ayo Mndewa Imulungu, na siwaleka Waizilaeli wasegele.”

Kulawa 5:2 ပူးပေါင်းရင်းမြစ်များ

Zabuli 10:4

Munhu yehile, koitapa na hamzahila Imulungu, heyo kogelegeza, “Haduhu Imulungu.”

Zabuli 12:4

iwanhu wose olonga, “Kwa milimi yetu tohuma, milomo tunayo, nani yodaha kututawala?”

Zabuli 12:5

Lakini Mndewa Imulungu kolonga, “Kwavija iwanhu wakiwa odununzwa, ngaengae olila kwa usungu, sambi nokwiza nowakaliza kamba viwobeta.”

Zabuli 14:1

Mbozi kolonga mmoyo wake, “Kuduhu Imulungu.” Wose wabanangika, osang'hana gehile, haduhu munhu yotenda ganogile.

Kulawa 3:19

Nojuwa mndewa wa Misili honda yawatogolele muchole mbaka yananahizwe kwa nguvu.

Kulawa 7:17

Avo Mndewa Imulungu kolonga vino, sambi komjuwa heyo iyo nani. Nogatowa mazi ga lwanda lwa Naili kwa fimbo ino, na mazi gose gogaluka damu.

Nongezi 30:9

kwavija nahapata vinhu vingi nokulema na nolonga, “Mndewa Imulungu ayo nani?” Hebu sikuniwe mkiwa na kuwa mbavi, na kudigela kinyala twaga da Imulungu wangu.

Yohana 16:3

Wanhu owatendela gano gose kwavija hawamjuwile Tata hebu niye.

Walumi 1:28

Kwavija wanhu awo walema kumjuwa Imulungu kwa nzewele zao, Imulungu nayo kawaleka wakweleleze nzewele zao zihile, nao wasang'hana mbuli zigomesigwe kusang'hanwa.

2 Wasesalonike 1:8

Na kokwiza na moto ukwaka, kuwatagusa waja wamulemile Imulungu na waja iwolema kuigoga Mbuli Inogile ya Mndewa wetu Yesu.

Wasemi 2:10

Abaho wanhu wose wa ulelo wa Yoshua wafa, avo walawila wanhu wa ulelo uyagwe awo hawamjuwile Mndewa Imulungu hebu kujuwa gaja gayawatendele iwanhu wa Izilaeli.

1 Samweli 2:12

Avo wana wa kimbigalo wa Eli wakala wanhu wehile hawamdumbile Mndewa Imulungu.

1 Samweli 25:10

Abaho Nabali kawalongela wasang'hanaji wa Daudi, “Daudi ayo nani? Mwanage Yese ayo nani? Siku zino kuna wasang'hanaji wengi iwokimbila wandewa zao.