Kulawa 3:8 - Biblia Kikutu

⁸ avo nihumuluka ili niwakombole walawe mmakono gawa Misili na niwagale mwiisi ng'hulu na inogile, isi imemile uki na maziwa, isi ya Wakanaani na Wahiti na Waamoli na Wapelizi na Wahivi na Wayebusi.

Kulawa 3:8 ပူးပေါင်းရင်းမြစ်များ

Mwanduso 11:5

Abaho Mndewa Imulungu kahumuluka hasi yalole dibuga na dilingo diwakalile ozenga wanhu awo.

Mwanduso 11:7

Leka tuhumuluke hasi, tukawakanganye ulonzi wao ili walemelwe kuitegeleza wao kwa wao.”

Mwanduso 15:13

Abaho Mndewa Imulungu kamulongela Abulamu, “Ujuwe goya kamba ulelo wako okala kamba wanhu baki mwiisi ya ugeni, okuwa watumwa na odununzigwa ng'hani kwa miyaka magana mane.

Mwanduso 15:14

Lakini nowakoboza wanhu wa isi yonda wakale muutumwa, kukimambukizo osegela mwiisi ayo iwakalile kuno wana vinhu vingi.

Mwanduso 18:21

Avo, nochola kuko halole mwenyego, kamba gaja ganihulike gaukweli, kwavija nolonda kujuwa.”

Mwanduso 43:11

Baho Izilaeli, tatao, kawalongela, “Ona, kwavija vivo ilondigwa, tendeni avo, soleni mmikoba yenu vinhu vinogile ng'hani va isi ino, mumgalile nhunza mkulu ayo. Soleni mavuta ga nyemba kidogo na uki kidogo, ubani, manemane, kungu na lozi.

Mwanduso 46:4

Niye mwenyego nochola hamoja na gweye ako Misili na nokubweza kuno. Wahafa mkono wa Yusufu uwo onda ukufumbe meso gako.”

Mwanduso 50:24

Abaho Yusufu kawalongela ndugu zake, “Niye sambi nofa, lakini Imulungu kowezila tu kuwataza. Kowalava mwiisi ino na kowagala mwiisi iyawalongele kowagwaa Abulahamu na Isaka na Yakobo.”

Zabuli 12:5

Lakini Mndewa Imulungu kolonga, “Kwavija iwanhu wakiwa odununzwa, ngaengae olila kwa usungu, sambi nokwiza nowakaliza kamba viwobeta.”

Zabuli 12:6

Mbuli ya Mndewa Imulungu ing'ala, ing'ala kamba shaba isunhigwe mna ditanuli, ona kamba shaba isunhigwe miyanza saba.

Zabuli 34:8

Gezeni mulole Mndewa Imulungu viyanogile. Kamweda imunhu yomkimbilila heyo ili yakale goya.

Zabuli 91:15

Yahanikema nomwidika, nokuwa hamoja na heyo mmagazo, nomkombola na nomgwaa ukulu.

Kulawa 12:41

Viishile miyaka ayo magana mane na malongo madatu, makabila gose ga Mndewa Imulungu gasegela mwiisi ya Misili.

Kulawa 12:51

Mdisiku dijo Mndewa Imulungu kagalava makabila ga Izilaeli mwiisi ya Misili.

Kulawa 13:5

Kipindi Mndewa Imulungu vonda yawagale mwiisi ya Wakanaani na Wahiti na Waamoli na Wahivi na Wayebusi, mwiisi ija iyaiduwile kowagwaa wahenga zenu isi imemile maziwa na uki, molondigwa mutende nyimwilinyimwili kila mwaka.

Kulawa 3:17

Na niye nilonga kamba nowalava mwiisi ya Misili kuna gamagazo, nowagala mwiisi ya Wakanaani na Wahiti na Waamoli na Wapelizi na Wahivi na Wayebusi mwiisi imemile uki na maziwa.’

Kulawa 34:11

Gagogeni malagizo goniwalagiza lelo. Nowawinga Waamoli na Wakanaani na Wahiti na Wapelizi na Wahivi na Wayebusi.

Kulawa 5:23

Toka vinicholile na kulonga na Falao kwa twaga jako, mndewa ayo kowatendela gehile wanhu wano, na gweye hutendile kinhu chochose kuwakombola wanhu zako.”

Walawi 20:24

Lakini niwalongela mweye, moihazi isi yao, nowagwaa mweye kamba uhazi wenu, isi imemile maziwa na uki, niye ayo Mndewa Imulungu wenu niwabagule mweye na wanhu wa isi ziyagwe ili muwe wanhu zangu.

Kupetigwa 13:18

mkaisungulile ili mujuwe isi ayo viili. Vivija loleni kamba iwanhu iwokala mumo wana nguvu hebu wadoda, kamba wengi hebu wadodo.

Kupetigwa 13:19

Loleni kamba isi ayo inoga hebu iha, na mulole kamba wanhu okala mzing'hambi hebu okala mzing'anda zizungulusiligwe.

Kupetigwa 13:27

Wamulongela Musa, “Tuvika mwiisi yuututumile kuisungulila, isi ayo imema maziwa na uki! Gano gago matunda ga isi ayo.

Yohana 3:13

Kuduhu munhu yoyose yacholile kuulanga ila Mwana wa Munhu, yezile kulawa kuko.”

Yohana 6:38

kwavija sizile hasi kulawa kuulanga kutenda gaja gonilonda lakini goyolonda Tata yanhumile.

Kumbukumbu 1:25

Viwabwelile, wapapa matunda ga isi ayo na watulongela isi ayo iyotugwaa Mndewa Imulungu, Imulungu wetu inoga.

Kumbukumbu 1:7

sambi tuleni ng'hambi yenu mugendelele na mwanza. Gendeni kuna ivigongo va isi ya Waamoli na isi ili behi ako Alaba, kuvigongo na kubonde ako Negebu na mwhani. Mugende mbaka mwiisi ya Kanaani na isi ya Lebanoni mbaka ako kuna ulwanda mkulu wa Fulate.

Kumbukumbu 27:3

Mgandike malagizo gano gose mgamabwe gago, mwahengila mwiisi iyowagwaa Mndewa Imulungu, Imulungu wenu, isi imemile maziwa na uki kamba Mndewa Imulungu, Imulungu wenu viyawalongele iwahenga zenu.

Kumbukumbu 28:11

Mndewa Imulungu kowagwelela wana wengi na fugo nyingi na ndiya nyingi mna iisi iyaiduwile Mndewa Imulungu kwa wahenga zenu kuwagwaa mweye.

Kumbukumbu 6:3

Avo tegelezeni mweye wanhu wa Izilaeli, mugagoge goya ili mugendelele goya na mwengezeke ng'hani mwiisi imemile maziwa na uki, kamba Mndewa Imulungu, Imulungu wa wahenga zenu viyalongile.

Kumbukumbu 7:1

“Mndewa Imulungu, Imulungu wenu vonda yawavikize mwiisi yumuchola kuisola, na kowawinga wanhu wa isi nyingi wasegele mwiisi ayo. Vonda mwingile kowawinga wanhu wa isi saba, isi zili na nguvu na wanhu wengi kubanza mweye, isi za Wahiti na Wagiligashi na Waamoli na Wakanaani na Wapelizi na Wahivi na Wayebusi.

Yoshua 5:6

Kwavija iwanhu wa Izilaeli watembela kuluwala kwa miyaka malongo mane, mbaka iwambigalo wose wadahile kuchola kuing'hondo wafa, kwavija hawamtegeleze Mndewa Imulungu. Mndewa Imulungu kaiduwila kamba honda wayone isi ayo iyaiduwile kwa iwahenga zao kamba kotugwaa siye, isi imemile maziwa na uki.

Yoshua 9:1

Iwandewa wose wakalile umwambu wa lwanda lwa Yolidani, mna iisi ya vigongo na kudibawe na isi yose ili behi na ibahali ing'hulu kulongozela Lebanoni, Wahiti na Waamoli na Wakanaani na Wapelizi na Wahivi na Wayebusi viwahulike mbuli ayo,

Yoshua 9:7

Lakini iwanhu wa Izilaeli wawedika awo Iwahivi, “Vino siye todahaze kutenda lagano na mweye? Sengine mweye mokala behi na siye.”