Kulawa 24:3 - Biblia Kikutu

³ Musa kachola kuwalongela wanhu wose mbuli ziyalongeligwe na ziyalagizwe. Wanhu wose wedika, “Tosang'hana kila kinhu kiyatulongele Mndewa Imulungu.”

Kulawa 24:3 ပူးပေါင်းရင်းမြစ်များ

Zabuli 50:5

“Wating'hanizeni iwanhu wangu otamanilwa, awo watendile lagano na niye kwa nhosa.”

Kulawa 19:8

Wanhu wose wedikila hamoja, “Totenda gaja gose gayalongile Mndewa Imulungu,” Nayo Musa kabwela kwa Mndewa kumulongela gaja gawalongile iwanhu awo.

Kulawa 24:2

Gweye Musa wiiyeka ayo yonda wize behi yangu, lakini wayagwe sikuweze behi yangu na wanhu sikuwakwele kulugongo hamoja na gweye.”

Kulawa 24:7

Abaho kasola ikitabu cha lagano da Mndewa Imulungu, kawasomela wanhu kuulongozi wao, nao walonga, “Totenda kila kinhu kiyatulagize Mndewa.”

Kumbukumbu 11:1

“Mnogeleni Mndewa Imulungu, Imulungu wenu na mutende gaja goyolonda, siku zose gogeni malagizo gake na mafundizo gake na nzila zake.

Kumbukumbu 4:1

Musa kagendelela kuwalongela Waizilaeli, “Gogeni na kukweleleza malagizo na mafundizo gose ganiwafunzile, ili muwe wagima na kuisola isi yonda yawagwee Mndewa Imulungu, Imulungu wa wahenga zenu.

Kumbukumbu 4:45

Gano gago galondigwe na mafundizo na malagizo Musa gayawalongele Waizilaeli viwalawile mwiisi ya Misili,

Kumbukumbu 4:5

“Loleni, niwafunza malagizo na mafundizo kamba Mndewa Imulungu, Imulungu wangu viyanilagize nitende, ili mugakweleleze ako kuna iisi yumuchola kuisola.

Kumbukumbu 5:1

Musa kawakema wanhu wose wa Izilaeli na kawalongela, “Mweye wanhu wa Izilaeli, tegelezeni mafundizo na malagizo goniwalongela lelo. Ifunzeni na mugagoge goya.

Kumbukumbu 5:31

Lakini gweye wime baha behi na niye, na niye nokulongela gaja golondigwa na malagizo gose na mafundizo gonda uwafunze wagoge ako mwiisi iniwagwelela iwe yao.’

Kumbukumbu 6:1

“Gano gago malagizo na mafundizo na gaja golondigwa na Mndewa Imulungu, Imulungu wenu na kanilagiza niwafunze ili mugagoge ako mwiisi yumuchola kuisola iwe yenu.

Yoshua 24:21

Lakini awo iwanhu wamulongela Yoshua, “Aka, siye tomsang'hanila Mndewa Imulungu.”

Yoshua 24:22

Abaho Yoshua kawalongela iwanhu, “Mweye wenyego awo wasindila kamba musagula kumsang'hanila Mndewa Imulungu.” Hewo walonga, “Siye awo wasindila.”

Yoshua 24:24

Awo iwanhu wamulongela Yoshua, “Siye tomsang'hanila na kumtegeleza Mndewa Imulungu, Imulungu wetu.”