Kulawa 2:5 - Biblia Kikutu

⁵ Avo mndele wa Falao kahumuluka muulwanda yakoge, wasang'hanaji zake wa kitwanzi wakala otembela tembela kumgwazo wa ulwanda. Mndele wa Falao kachona kija ikisege mmisanze, kamtuma msang'hanaji wake yamgalile.

Kulawa 2:5 ပူးပေါင်းရင်းမြစ်များ

Zabuli 12:5

Lakini Mndewa Imulungu kolonga, “Kwavija iwanhu wakiwa odununzwa, ngaengae olila kwa usungu, sambi nokwiza nowakaliza kamba viwobeta.”

Zabuli 46:1

Imulungu kumwetu siye ayo kimbililo na nguvu, msaada ukoneka kipindi chose cha magazo.

Zabuli 76:10

Ng'hasiliki yako kwa wanhu yogala ukulu kumwako, na waja wasigale mwiing'hasiliki yako otenda nyimwilinyimwili.

Zabuli 9:9

Mndewa Imulungu ayo ngome ya awo odununzwa, heyo ayo ngome mkipindi cha magazo.

Kulawa 2:6

Mndele wa Falao viyakifungule ikisege acho kamona mwana, kakala kolila. Heyo kamonela bazi, kalonga, “Imwana ino vivija wa Waebulania.”

Kulawa 7:15

Avo uidamuke ulukwili ukaiting'hane na Falao viyochola kuulwanda lwa Naili. Isole fimbo ija igaluke mgendela hasi, umbete kumgwazo wa lwanda.

Kulawa 8:20

Mndewa Imulungu kamulongela Musa, “Uidamuke ulukwili ukaiting'hane na Falao viyochola kuulwanda. Mulongele kamba Mndewa Imulungu kolonga, ‘Waleke wanhu zangu wasegele, wakanitambikile.

Nongezi 21:1

Moyo wa mndewa wammakono ga Mndewa Imulungu, koulongoza kamba muloka wa mazi, kokose koyolonda.

Sang'hano 7:21

na viyekigwe kutali na ukae, mndele wa Falao kamsola na kamulela kamba mwanage.