Kulawa 2:3 - Biblia Kikutu

³ Viyonile hadaha kumfisa kabili, kasola kisege kilukigwe na milanzi kakibaka tongo tongo, kamwika mwana ayo mkisege acho, abaho kakizudika ikisege mmidete mgamazi kumgwazo wa ulwanda lwa Naili.

Kulawa 2:3 ပူးပေါင်းရင်းမြစ်များ

Mwanduso 11:3

Avo wailongela wao kwa wao, “Amweye! Tutende matofali na tugasome moto vinogile.” Avo wakala na matofali badala ya mabwe na tongo tongo badala ya matope.

Mwanduso 14:10

Bonde da Sidimu dikala dimemile masimo ga lami, avo wandewa wa Sodoma na Gomola viwakalile okimbila ing'hondo wadumbukila mumo, lakini wandewa wayagwe wasigale wakimbilila kuvigongo.

Mwanduso 6:14

Avo izengele mwenyego safina kulu kwa mibiki ikemigwa Gofe. Gola magati mdisafina dijo na ukande tongo tongo kunze na mgati.

Kulawa 1:22

Abaho Falao kawalagiza wanhu zake wose, kawalongela, “Kila mwana wa kimbigalo yonda yavumbuke kwa Waebulania mwaseni muulwanda lwa Naili, lakini kamba mwana wa kitwanzi mulekeni mgima.”

Matayo 2:13

Viwasegele msenga wa Mndewa kamulawilila Yusufu mzinzozi kamulongela, “Helode komzahila imwana yamkome. Avo lamuka umsole imwana na mamake mkimbilile Misili, na mukale kuko mbaka vonda nikulongele usegele.”

Matayo 2:16

Helode viyajuwile kamba wanhu wacholile kumulola Yesu kulawa mwambu wa kudilawila zuwa wamvizila, kagevuzika ng'hani. Kalava lagizo da kuwakoma wana wose wa kimbigalo weli Beselehemu na hiwo weli behi, kusongela wana ving'hele mbaka wana weli na miyaka mibili ino itendigwa kamba viyajuwile kulawa kwa wanhu wacholile kumulola Yesu mna ikipindi viwayone inhondo.

Sang'hano 7:19

Kawatendela usede wahenga zetu na kuwatenda vihile, kawalagiza waweke kunze wanao ving'hele, ili wafe.