Kulawa 2:2 - Biblia Kikutu

² Avo mtwanzi ayo kagoga inda, kalela mwana wa kimbigalo. Viyamone mwana ayo kanoga ng'hani, kamfisa kwa miyezi midatu.

Kulawa 2:2 ပူးပေါင်းရင်းမြစ်များ

Zabuli 112:5

Munhu yokopesha bila kulonda nyongeza, komweda ng'hani, munhu yotenda sang'hano zake kwa haki.

Kulawa 6:20

Amulamu kamsola Yokebedi lumbu wa tatake, nayo kamulela Musa na Haluni. Amulamu kawa mgima kwa miyaka gana dimoja na malongo madatu na saba.

Kupetigwa 26:59

Mwehe wa Amulamu twaga jake kakemigwa Yokebedi biti Lawi, kalelekela ako Misili. Mtwanzi ayo kamulelela Amulamu wana wadatu, wa kimbigalo wabili, Haluni na Musa na mtwanzi imoja yakemigwe Miliamu.

Sang'hano 7:20

Musa kavumbuka mna ikipindi acho, kakala mwana yanogile. Kaleligwa na mamake kwa miyezi midatu,

Kumbukumbu 33:16

Isi yake imeme ganogile gose, imwede kwa ganogile golawa kwa Mndewa Imulungu, yalawile mkisolo kikwaka. Kumweda kuko kuwavikile wanhu wa kabila da Yusufu, yakalile mkulu hagati ya ndugu zake.

Waebulania 11:23

Kutamanila ako kuwatendile tatake na mamake Musa wamfise Musa miyezi midatu viyavumbuke. Wao wamona kakala mwana yanogile ng'hani na hawadidumbile lagizo da mndewa wa Misili.

1 Samweli 16:12

Avo Yese kamtuma munhu yakamuwinze. Ayo imbwanga kakala yanogile na meso gake gakala gong'ala. Mndewa Imulungu kamulongela Samweli, “Ino iyo mwenyego, genda kamgidile mavuta.”