Kulawa 13:3 - Biblia Kikutu

³ Musa kawalongela wanhu, “Sikumuisemwe siku ino. Mweye vimulawile mwiisi ya Misili kuko kumukalile watumwa, kwavija Mndewa Imulungu kawalava kwa nguvu za makono gake. Sikumuje magate gageligwe hamila.

Kulawa 13:3 ပူးပေါင်းရင်းမြစ်များ

Mwanduso 15:16

Vizukulu vako vilembwe vobwela hano, kwavija nzambi za Waamoli zing'hali hazinavikila kuwa nyingi avo niwataguse.”

Zabuli 105:5

Kumbukeni sang'hano zake za unzonza ziyasang'hane, vilaguso vake na nhaguso ziyalongile.

Zabuli 114:1

Wanhu wa Izilaeli viwasegele Misili, iwanhu wa ulelo wa Yakobo viwasegele mwiisi ya ugeni,

Zabuli 136:11

Heyo ayo yawalavile Waizilaeli hagati yao, unogelo wake hawishaga okala milele.

Zabuli 136:12

Katenda avo kwa mkono wake uli na nguvu, unogelo wake hawishaga okala milele.

Zabuli 89:14

Haki na nhaguso acho chandusilo cha kigoda chako cha undewa, unogelo hawishaga na kutamanilwa vokulongolela.

Kulawa 12:15

Mndewa Imulungu kagendelela kulonga, “Kwa siku saba, muje magate hagageligwe hamila. Siku ya ichanduso ya siku azo saba musegese hamila mna izing'anda zenu, munhu yoyose yahaja gate digeligwe hamila mzisiku azo saba, kobaguligwa mna iwanhu wa Izilaeli.

Kulawa 12:17

Mutende nyimwilinyimwili ino ya magate hagageligwe hamila kukumbuka viniwalavile mweye makabila ga Izilaeli kulawa Misili. Ulelo wenu wose uideng'helele siku ayo, kamba lagizo da milele.

Kulawa 12:19

Mna izisiku azo saba hamila sikuyoneke mzing'anda zenu. Na munhu yoyose, munhu baki hebu mwenekae yonda yaje kinhu chochose kili na hamila kobaguligwa mna iwanhu wa Izilaeli.

Kulawa 12:2

“Mwezi uno okuwa mwezi wa ichanduso wa mwaka kumwenu.

Kulawa 12:41

Viishile miyaka ayo magana mane na malongo madatu, makabila gose ga Mndewa Imulungu gasegela mwiisi ya Misili.

Kulawa 12:42

Kilo acho Mndewa Imulungu kakala kowalolesa Waizilaeli ili yawalave mwiisi ya Misili, kilo acho cholondigwa kikumbukigwe na Waizilaeli na ulelo wao wose kamba kilo cha kumgwaa ukulu Imulungu.

Kulawa 12:8

Kilo acho nyama ayo ibanikigwe na idigwe hamoja na kinhu kili usungu na gate hadigeligwe hamila.

Kulawa 13:14

Ako kumwande mwanago yahakuuza mbuli ino yofambula choni? Mulongele, ‘Kwa nguvu ya mkono wake Mndewa Imulungu katulava mwiisi ya Misili, kuko kutukalile watumwa.

Kulawa 13:9

Nyimwilinyimwili ino iwe kamba kilaguso mna gamakono genu hebu mna ivihanga venu, ili siku zose mukumbuke malagizo ga Mndewa Imulungu. Kwavija Mndewa Imulungu kawalava mwiisi ya Misili kwa mkono wake uli na nguvu.

Kulawa 20:2

“Niye ayo Mndewa Imulungu, Imulungu wako, nikulavile mwiisi ya Misili, kuko kuukalile mtumwa.

Kulawa 20:8

“Ikumbuke siku ya kubwihila kwa kuitenda ing'ale.

Kulawa 23:15

Tendeni nyimwilinyimwili ya magate hagageligwe hamila. Kamba viniwalagize, kwa siku saba diyeni magate hagageligwe hamila. Tendeni vino kwa kipindi kilondigwa muumwezi wa Abibu, kwavija muumwezi awo vivo vimulawile Misili. Munhu yoyose sikuyeze kuulongozi wangu makono gaiyeka.

Kulawa 3:20

Lakini nougolosa mkono wangu na kuwakoboza Wamisili kwa vilaguso vonda nitende kuko. Abaho Falao kowaleka musegele.

Kulawa 34:18

“Muideng'helele nyimwilinyimwili ino ya magate hagageligwe hamila. Kwa siku saba muje magate hagageligwe hamila kwa kipindi chose kikigwe, muumwezi wa Abibu kamba viniwalagize, kwavija mwezi awo niwalava mwiisi ya Misili.

Kulawa 6:1

Abaho Mndewa Imulungu kamulongela Musa, “Sambi kochona chonda nimtendele Falao. Kwa udahi wangu kowaleka wanhu zangu wasegele. Nayo kowawinga wasegele mwiisi yake kwa udahi wangu.”

Kulawa 6:6

Walongele Waizilaeli vino, ‘Niye Mndewa Imulungu, nowalava mwiisi ya Misili. Nowatenda mulekeswe kulawa muutumwa. Nougolosa mkono wangu na nowakoboza Wamisili na kuwakombola mweye.

Kulawa 6:7

Nowatenda muwe wanhu zangu, na niye nokuwa Imulungu wenu. Mojuwa kamba niye na Mndewa Imulungu, Imulungu wenu, vonda niwalave muutumwa ako Misili.

Kulawa 7:4

Falao hakutegeleza bule. Abaho nougolosa mkono wangu uli na udahi na kuwakoboza Wamisili na nozilava ng'holo za Waizilaeli.”

Matayo 10:12

Mwahengila mng'anda, walamuseni wenekae.

Luka 22:19

Abaho kasola gate, kamgwaa nhogolwa Imulungu, kadibanzula, kawagwaa, kalonga, “Uno ulo lukuli lwangu, ulavigwe mbuli ya mweye. Tendeni vino kwa kung'humbuka niye.”

1 Wakolinto 11:24

kamgwaa nhogolwa Imulungu, kadibanzula na kalonga, “Uno awo lukuli lwangu, umugweleligwe, mutende vivo kwa kung'humbuka niye.”

1 Wakolinto 5:8

Lelo tudeng'helele Pasaka yetu, siyo kwa gate dili na hamila ya umwaka ili na nzambi na ubananzi, lakini kwa gate hadigeligwe hamila, gate dinogile na ukweli.

Waefeso 1:19

na mudahe kujuwa udahi wake viwili mkulu ng'hani mbuli ya siye tumtogola. Udahi awo usang'hana mgati mmwetu uigala na nguvu ibanzile ng'hani,

Kumbukumbu 13:10

Mumtowe kwa mabwe mbaka yafe, kwavija kageza kukutenda umuleke Mndewa Imulungu, Imulungu wako, yakulavile muutumwa ako mwiisi ya Misili.

Kumbukumbu 13:11

Avo, Waizilaeli wose ohulika na kudumba, na hawatenda ng'o gehile kamba gago kabili.

Kumbukumbu 13:5

Lakini mtula ndagu ayo hebu munhu ayo yalotaga nzozi yakomigwe, kwavija kowafunza iwanhu wamuleme Mndewa Imulungu, Imulungu wenu, yawalavile mwiisi ya Misili na kuwagombola kulawa muutumwa, heyo kageza kuwatenda sikumuikweleleze nzila iyawalagize Mndewa Imulungu, Imulungu wenu muikweleleze. Muwakome ili musegese gehile hagati yenu.

Kumbukumbu 13:6

“Kamba ndugu yako wa usungu hebu mwanago wa ikimbigalo hebu wa ikitwanzi hebu mwehe wako yuumnogela ng'hani hebu mbwigako ng'hani, kokuteweza kinyelegezi, kolonga, ‘Tuchole tukaitambikile imilungu iyagwe.’ Milungu ayo gweye hebu wahenga zenu hawaijuile,

Kumbukumbu 15:15

Kumbukeni kamba mweye mukala watumwa ako mwiisi ya Misili na Mndewa Imulungu, Imulungu wenu, kawagombola, lekaavo lelo nowalagiza vivo.

Kumbukumbu 16:1

“Muugoge mwezi wa Abibu na mudeng'helele Pasaka ya Mndewa Imulungu, Imulungu wenu. Kwavija muumwezi awo wa Abibu, Mndewa Imulungu, Imulungu wenu, kawalava mwiisi ya Misili ikilo.

Kumbukumbu 16:12

Kumbukeni kamba mukala watumwa ako Misili, avo iteganyeni mugagoge mafundizo gano.

Kumbukumbu 16:3

Sikumuje nhosa ayo hamoja na magate gageligwe hamila. Kwa kipindi cha siku saba dieni magate hagageligwe hamila, magate gago kolagusa kugaya, kwavija musegela mwiisi ya Misili himahima, avo kipindi chose chonda mukale moikumbuka siku ayo yumusegele mwiisi ya Misili.

Kumbukumbu 24:18

Kumbukeni kamba mweye mukala watumwa mwiisi ya Misili, na Mndewa Imulungu, Imulungu wenu kawagombola kulawa kuko, lekaavo nowagwaa lagizo dijo.

Kumbukumbu 24:22

Kumbukeni kamba mweye mukala watumwa mwiisi ya Misili. Lekaavo nowagwaa lagizo dino.

Kumbukumbu 26:8

Avo, Mndewa Imulungu katulava kuko Misili kwa mkono wake wa nguvu, kwa vinhu vidumbiza na vilaguso na unzonza.

Kumbukumbu 4:34

Vino kuna imulungu yoyose iyagwe yagezile kusola iwanhu wake kulawa mwiisi ya iwanhu wayagwe, kamba viyatendile Mndewa Imulungu, Imulungu wenu? Heyo katenda avo kwa magazo na vilaguso na unzonza na ng'hondo na kwa nguvu yake ng'hulu, katenda vinhu vigela bwembwe na mweye mugona gose ago kwa meso genu ako Misili.

Kumbukumbu 5:15

Kumbuka kamba gweye kukala mtumwa ako mwiisi ya Misili, na Mndewa Imulungu, Imulungu wako, kakulava kuko kwa udahi wake mkulu, avo Mndewa Imulungu, Imulungu wako kakulagiza uigoge siku ya kubwihila.

Kumbukumbu 5:6

‘Niye ayo Mndewa Imulungu, Imulungu wako nikulavile mwiisi ya Misili, kuko kuukalile mtumwa.

Kumbukumbu 6:12

muiteganye sikumumsemwe Mndewa Imulungu, yawalavile mwiisi ya Misili ako kumukalile watumwa.

Kumbukumbu 6:21

Mweye muwedike, ‘Siye tukala watumwa wa Falao ako Misili, lakini Mndewa Imulungu katulava mwiisi ya Misili kwa nguvu zake ng'hulu.

Kumbukumbu 7:8

Lakini kwavija Mndewa Imulungu kawanogela mweye na katenda kija kiyaiduwile kwa wahenga zenu, lekaavo kawalava kwa nguvu zake ng'hulu na kawagombola muutumwa, kulawa mmakono ga Falao mndewa wa Misili.

Kumbukumbu 8:14

avo sikumuitape na kumsemwa Mndewa Imulungu, Imulungu wenu, yawalavile mwiisi ya Misili, ako kumukalile watumwa.

Kumbukumbu 9:12

“Avo, Mndewa Imulungu kanongela, ‘Segela, hima uhumuluke hasi ya ulugongo, kwavija wanhu zako wauwalavile Misili wanangika. Sambi sambi waileka nzila, iniwalagize waikweleleze, watenda kinyago cha zuma.’

Yoshua 24:17

kwavija Mndewa Imulungu, Imulungu wetu katulava siye na iwahenga zetu ako mwiisi ya Misili, kutukalile watumwa, na katenda vilaguso vikulu mgameso getu na katukaliza mna inzila yose itubitile mna ziisi za iwanhu watubitile hagati yao.

Wasemi 2:12

Wamuleka Mndewa Imulungu, Imulungu wa iwahenga zao, ayo yawalavile mwiisi ya Misili, wasonga kuitambikila milungu iyagwe, imilungu ya iwanhu wa isi ziwazunguluke na waitambikila. Avo wamgevuza Mndewa Imulungu.

Wasemi 6:8

Mndewa Imulungu kawagalila mtula ndagu, na heyo kawalongela, “Mndewa Imulungu, Imulungu wa Izilaeli kolonga vino, ‘Niwalava mwiisi ya Misili kuko kumukalile watumwa,