Kulawa 10:9 - Biblia Kikutu

⁹ Musa kamwidika, “Tochola hamoja na wabwanga na wavele na wanetu wa kimbigalo na wa kitwanzi, ng'hondolo na ng'ombe na mbuzi, kwavija tolondigwa tukamtendele nyimwilinyimwili Mndewa Imulungu.”

Kulawa 10:9 ပူးပေါင်းရင်းမြစ်များ

Mwanduso 50:8

Wanhu wa mng'anda yake na ndugu zake na wanhu wa lukolo lwa tatake wachola nayo. Wana wadodo na ng'ombe na ng'hondolo na mbuzi, wao wasigale ako Gosheni.

Kulawa 10:10

Lakini Falao kawalongela, “Mawe! Mndewa Imulungu yawe hamoja na mweye, kamba nahawatogolela mweye mugende, hamoja na watwanzi na wanenu! Niye nokona mweye mogelegeza gehile mmizoyo yenu.

Kulawa 10:26

Tolondigwa tuwasole wanyama wetu wala kuduhu hata imoja yonda yasigale. Kwavija kwa iwanyama awo tomulavila nhosa Mndewa Imulungu wetu, na mbaka sambi siye hatujuwa mbaka twahavika kuko, kinhu gani tolondigwa tukamulavile nhosa Mndewa.”

Kulawa 12:32

Soleni ng'hondolo zenu na ng'ombe na mbuzi musegele, kamba vimulongile. Vivija nipulileni kwa Mndewa yanitendele ganogile.”

Kulawa 12:37

Waizilaeli wasegela Lamesesi wachola Sukoti. Wakala wambigalo ovika kamba laki sita, watwanzi na wana hawapetigwe.

Kulawa 12:38

Vivija kukala na bumbila da wanhu wengi wayagwe wacholile hamoja nao. Vivija wakala na ng'hondolo wengi na mbuzi na ng'ombe.

Kulawa 13:6

Diyeni magate hagageligwe hamila kwa siku saba na mna isiku ya saba tendeni nyimwilinyimwili kwa kumgwaa ukulu Mndewa Imulungu.

Kulawa 3:18

“Wao okutegeleza, abaho gweye na wavele wa Izilaeli mochola kwa mndewa wa Misili na kumulongela, ‘Mndewa Imulungu, Imulungu wa Waebulania katulawila siye. Avo tutogolele tuchole kwa siku ndatu kuluwala tukamulavile nhosa Mndewa Imulungu wetu.’

Kulawa 5:1

Abaho Musa na Haluni wachola kwa Falao wamulongela, “Mndewa Imulungu, Imulungu wa Izilaeli kolonga vino, ‘Waleke wanhu zangu wasegele, wakanitendele nyimwilinyimwili kuluwala.’ ”

Kulawa 5:3

Musa na Haluni wamwidika, “Imulungu wa Waebulania katulawila siye. Tuleke tuchole kuluwala kwa mwanza wa siku ndatu tukamulavile nhosa Mndewa Imulungu wetu. Wahalema sikutusegele Mndewa Imulungu kotukoma kwa mitamu hebu kwa ng'hondo.”

Nongezi 3:9

Mtegeleze Mndewa Imulungu kwa vinhu vako na vija va ichanduso kusengigwa mmigunda yako yose.

Kupetigwa 29:12

Mna isiku ya longo na tano ya mwezi awo wa saba mutende mting'hano ung'alile. Muideng'helele nyimwilinyimwili kwa siku saba mbuli ya Mndewa Imulungu na sikumusang'hane.

Waefeso 6:4

Na mweye kina tata sikumuwagevuze wanenu ila waleleni goya na wafundizeni mafundizo ga Kilisito.

Yoshua 24:15

Kamba haviwanogela bule mgameso genu kumsang'hanila Mndewa Imulungu, avo lelo didino saguleni ayo yonda mumsang'hanile, kamba imilungu iwaisang'hanile iwahenga zenu ako umwambu wa ulwanda hebu imilungu ya Waamoli awo omukala mwiisi yao sambi. Lakini niye na iwanhu wa mng'anda mmwangu tomsang'hanila Mndewa Imulungu.”