Kulawa 1:7 - Biblia Kikutu

⁷ lakini Waizilaeli wengezeka ng'hani, wakala na nguvu na wenela kila hanhu mwiisi ya Misili.

Kulawa 1:7 ပူးပေါင်းရင်းမြစ်များ

Mwanduso 46:3

Imulungu kamulongela, “Niye ayo Imulungu, Imulungu wa tatako. Sikuudumbe kuchola Misili, wahawa kuko nokutenda uwe na ulelo onda uwe kabila kulu.

Kumbukumbu 26:5

ulonge mbuli zino kuulongozi wa Mndewa Imulungu, Imulungu wako, ‘Muhenga wangu kakala Mwalamu, kagunga kuno na kuno abaho kachola ako Misili na kakala kuko kamba munhu baki. Wakala wanhu wadodo viwakalile kuko, lakini wawa wanhu wa isi ng'hulu na wengi.

Mwanduso 1:28

Imulungu kalagusa moyo unogile kumwao, kalonga, “Leleni mwengezeke, mwiimemeze isi yose na kuitawala. Nowatenda mweye muwatawale somba na ndege na wang'onyo wose ogenda mwiisi.”

Mwanduso 47:27

Avo wanhu wa Izilaeli wakala mwiisi ya Misili hanhu hokemigwa Gosheni. Ako wakala na vinhu vingi na wasonga kongezeka ng'hani.

Mwanduso 35:11

Nayo Imulungu kamulongela, “Niye iyo Imulungu nili na Udahi wose, ulele ng'hani na mongezeke. Makabila mengi golawa kumwako na wandewa olawa mkigudi chako.

Mwanduso 12:2

Nokutenda uwe na ulelo onda uwe kabila kulu. Nokutenda umwede na kuditenda twaga jako dijuwigwe ng'hani, na gweye kokuwa kilamuso cha wanhu wengi kumweda.

Mwanduso 9:1

Imulungu kalagusa moyo unogile kwa Nuhu na wanage, kalonga, “Mulele wana wengi, muimemeze isi yose.

Kumbukumbu 10:22

Wahenga zenu viwacholile Misili wakala wanhu malongo saba waiyeka, lakini sambi Mndewa Imulungu, Imulungu wenu kawatenda muwe wengi kamba nhondo za kuulanga.

Mwanduso 48:4

Kanongela, ‘Nokutenda ongezeke na kuwatenda muwe wengi. Nokutenda uwe na ulelo onda uwe isi zili na wanhu wengi, na nokugwaa isi ino kamba uhazi kwa ulelo wako milele.’”

Mwanduso 17:16

Nomtendela ganogile, kokulelela mwana wa kimbigalo. Nomtendela ganogile, kokuwa mama wa makabila mengi na wandewa wa wanhu olawa kumwake.”

Zabuli 105:24

Mndewa Imulungu kawatenda iwanhu zake walele ng'hani, kawatenda wengi kubanza awo owehila.

Mwanduso 28:14

Ulelo wako omema kamba timbwisi da mwiisi na okwenela mwambu wa kudihongela zuwa na mwambu wa kudilawila zuwa, mwambu wa kasikazini na mwambu wa kusini. Kubitila gweye na ulelo wako ng'holo zose za mwiisi zomweda.

Mwanduso 22:17

nokutenda umwede na kuutenda ulelo wako uwe kamba nhondo za kuulanga na kamba msanga wa mwhani. Ulelo wako osola isi za wanhu wawehile,

Mwanduso 13:16

Nowatenda wanhu wa ulelo wako wawe wengi mbaka munhu sikuyadahe kuwapeta, kamba vija msanga, avo kamba hana munhu kodaha kuupeta msanga baho kodaha kuwapeta wanhu wa ulelo wako.

Mwanduso 1:20

Imulungu kalonga, “Mazi gamemezwe vinhu vili na ugima na ulanga umemezwe ndege oguluka.”

Kulawa 12:37

Waizilaeli wasegela Lamesesi wachola Sukoti. Wakala wambigalo ovika kamba laki sita, watwanzi na wana hawapetigwe.

Mwanduso 48:16

na msenga wa kuulanga yanihonyile na gehile gose yawatambikile wabwanga wano! Wakemigwe kwa twaga jangu na matwaga ga wahenga zangu Abulahamu na Isaka, wawe na wana wengi na ulelo mkulu.”

Mwanduso 26:4

Noutenda ulelo wako wengezeke kamba vizili nhondo za kuulanga na nowagwaa isi zose zino. Kubitila ulelo wako, wanhu wa makabila gose omweda,

Mwanduso 15:5

Aho Mndewa Imulungu kamulava kunze Abulamu, kamulongela, “Lola uchanha upete zinhondo, kamba kweli kodaha kuzipeta. Ulelo wako okuwa kamba vizili zinhondo azo.”

Sang'hano 13:17

Imulungu wa wanhu wa Izilaeli kawasagula wahenga zetu na kawatenda isi ng'hulu viwakalile mwiisi ya Misili. Imulungu kawalava mwiisi ya Misili kwa udahi mkulu,

Mwanduso 26:22

Kasegela hanhu aho, kahimba sima diyagwe. Lakini sima dijo hawadigombele bule, avo kadikema, “Lehoboti,” fambulo jake kulekeswa. Kalonga, “Sambi Mndewa Imulungu katulekesa tukale mwiisi, na tomweda ng'hani.”

Kulawa 1:12

Lakini viwagendelele kuwadununza, vivo Waizilaeli viwagendelele kwengezeka na kwenela mwiisi yose. Avo Wamisili wawadumba ng'hani Waizilaeli.

Kulawa 5:5

Abaho Falao kalonga kabili, “Wanhu wenu wengi kubanza wanhu wa isi yangu, na sambi mweye molonda waleke kusang'hana!”

Zabuli 107:38

Kawatenda wamwede na kongezeka ng'hani, na fugo yao haihungule.