2 Yohana 1:1 - Biblia Kikutu

¹ Niye mvele, nokwandikila gweye mtwanzi usaguligwe na Imulungu hamoja na wanago, iniwanogela muukweli, sili niye niiyeka, lakini vivija na wanhu wose oujuwa ukweli okunogela,

2 Yohana 1:1 ပူးပေါင်းရင်းမြစ်များ

Luka 1:3

Avo go mkulu, kwavija nizizahila vinogile mbuli zino kulawa kuna ichanduso, vinikona niye yokuwa vinoga kukwandikila goya mbuli zija zilawilile.

Yohana 8:32

Avo moijuwa kweli, na kweli yowatenda mulekesigwe.”

Sang'hano 11:30

Watenda avo, abaho wawagwaa sente Balinaba na Sauli wazigale kwa wavele wa wanhu wamtogole Yesu.

Walumi 16:13

Ndamusileni Lufo, yasaguligwe na Mndewa, na mamake yanitendile mwanage siku zose.

Wagalatia 2:14

Vinyonile mbuli zao zootenda haziigalile na viilonda Mbuli Inogile, nimulongela Kefa mgameso ga wanhu wose, “Hamoja gweye kwa Muyahudi, kokala kamba wanhu haweli Wayahudi na siyo kamba Muyahudi. Habali kowananahiza wanhu haweli Wayahudi wakweleleze vihendo va Wayahudi?”

Wagalatia 2:5

Lakini hatuwatogolele bule, ili ukweli wa Mbuli Inogile usigale na mweye.

Wagalatia 3:1

Mweye Wagalatia mwa wabozi! Vino nani yawalogile? Mbuli ya kuwambigwa kwa Yesu Kilisito mumsalaba ilongigwa goya mgameso genu.

Wagalatia 5:7

Mweye mukala musang'hana goya! Nani yawagomese kuutogola ukweli?

Wakolosai 1:5

Tamanilo jenu na unogelwa va mna vinhu vimbetela kubokela vimwikiligwe goya kuulanga, muihulika mbuli ayo aho haichanduso vimupeteligwe usenga wa ukweli nao ni Mbuli Inogile.

1 Timoseo 2:4

yolonda wanhu wose wakomboligwe na waujuwe ukweli.

Waebulania 10:26

Twahagendelela kutenda nzambi giladi na kwavija tuujuwa ukweli, kuduhu nhosa isigale yonda ilavigwe kabili kusegesa nzambi za wanhu.

1 Petulo 1:2

Toka mwaka Imulungu Tata kajuwa na kawasagula mweye, na kawatenda mung'ale kwa Loho wake, kubitila kumtegeleza kwenu Yesu Kilisito na kawasunha kwa damu yake. Imulungu yawagwee ng'hani ng'hekewa na tindiwalo.

1 Petulo 5:1

Niye mvele wakibumbila cha wanhu omtogola Kilisito, niye nigonile mwenyego magayo ga Kilisito, na nokuwa na fungu muukulu onda ugubuligwe. Nowapula, mweye wavele vilongozi wayangu,

1 Petulo 5:13

Kibumbila cha wanhu wamtogole Yesu ako Babeli, kisaguligwe na Imulungu hamoja na mweye, chowalamusa na vivija mwanangu Maluko kowalamusa.

1 Yohana 2:21

Siwandikila kwavija hamuujuwile ukweli, lakini nowandikila kwavija muujuwa na kuduhu uvizi ulawa muukweli.

1 Yohana 3:18

Wanangu, unogelwa wetu sikuuwe kwa mulomo wiiyeka, ila uwe unogelwa wa kweli na ulagusigwe kwa kusang'hana.

2 Yohana 1:13

Wana wa ndugu yako yasaguligwe na Imulungu okulamusa.

2 Yohana 1:5

Avo, sambi Mtwanzi gweye usaguligwe na Imulungu nokupula, siye wose tumtogole Yesu tuinogele. Sikwandikila malagizo ga sambi, lakini malagizo gagaja gatukalile nago toka ichanduso.

3 Yohana 1:1

Niye mvele, nokwandikila gweye Gayo, mbwigangu nikunogela mna ikweli.