2 Wakolinto 7:7 - Biblia Kikutu

⁷ Siyo kwiza kwake kwiiyeka, lakini vivija mbuli ya mweye vimumuhozile umoyo. Nayo katulongela vimusulukila kunyona na vimunyunyuwale kwa gaja galawilile, na vija vimulonda kunigombela, avo nodeng'helela ng'hani.

2 Wakolinto 7:7 ပူးပေါင်းရင်းမြစ်များ

Zabuli 141:5

Vinoga munhu mwene haki yanizume kwa kunikoboza, mbuli ayo ya bazi, leka yanikomhokele, mbuli ayo mavuta mdipala jangu, pala jangu hadiilema bule. Lakini kupula kwangu siku zose mbuli ya gehile ga wanhu wehile.

Zabuli 30:5

Ng'hasiliki yake yokala kwa siku ndodo, kunoga kwake kumwetu kokala siku zose. Kililo chodaha kukala kilo chose, lakini imitondo modeng'ha.

Zabuli 38:18

Nolonga gehile gangu, nogazika kwa nzambi yangu.

Zabuli 51:1

Go Imulungu, unyonele bazi, kamba unogelo wako hawishaga viwili mkulu, kamba vidili kulu bazi jako, ugasegese gehile gangu.

Matayo 26:75

na Petulo kakumbuka mbuli ziyalongeligwe na Yesu, “Nzogolo yang'hali hana kwika konibela miyanza midatu.” Kachola kunze kalila kwa usungu.

Matayo 5:4

Wamweda wanhu waja onyunyuwala, kwavija Imulungu kowahoza!

Luka 22:44

Kwa usungu mkulu uyakalile nao kampula ng'hani, mbaka fuguti dimulawa, fuguti jake dikala kamba madwendwe ga damu golagala hasi.

Sang'hano 11:23

Viyavikile na kona vija Imulungu viyawagwelele ng'hekewa, kadeng'helela na kawapula wagendelele kumtamanila Mndewa kwa mizoyo yao yose.

Walumi 1:12

Niye ng'hala nifambula vino, wose mweye na niye tuigangamize, tamanilo jangu kwa Imulungu dowagangamiza mweye na tamanilo jenu kwa Imulungu donigangamiza niye.

1 Wakolinto 5:2

Modahaze kuigoda? Maza mulondigwa munyunyuwale, na munhu yatendile kilozo acho kolondigwa yawingigwe kumwenu.

2 Wakolinto 1:14

kwavija mbaka sambi mutujuwa kidogo. Tojuwa kuwa mna isiku ija ya kwiza Mndewa Yesu modaha kuigodela siye kamba siye vituigodela mweye.

2 Wakolinto 1:4

Imulungu kotuhoza mizoyo mna gamagayo getu, ili na siye tuwahoze mizoyo awo weli mna gamagayo, kwa kuhozigwa kukuja kutuhozigwe siye na Imulungu.

2 Wakolinto 2:9

Kilamuso cha kuwandikila baluwa ija, nilonda kuwageza nijuwe kamba modaha kugoga kila kinhu.

2 Wakolinto 5:2

Lakini sambi togutilila, kipindi vitubeta kwa kusulukila tugweleligwe lukuli lwa kuulanga,

2 Wakolinto 7:6

Lakini Imulungu yowahoza mizoyo wanhu okala moyo nyunguwaa, katuhoza mizoyo viyezile Tito kumwetu.

2 Wakolinto 7:8

Hata kamba kwa baluwa yangu ija niwatenda munyunyuwale, sigelegeza habali nhendile vivo. Nogesa baluwa ija iwatenda munyunyuwale, lakini kwa kipindi kidodo.

2 Wakolinto 8:16

Nomgwaa nhogolwa Imulungu kwa kumgwaa Tito moyo wa kuwataza mweye kamba moyo unilinao niye!

Wafilipi 1:20

Vinikona niye notamanila kamba honda nigwe kinyala lakini nogangamala ng'hani, avo sambi kamba viili siku zose iwe muugima hebu mwiiifa nimgwee ukulu Kilisito.

Wakolosai 2:5

Kwavija hata kamba na kutali na mweye kwa lukuli, nowagelegeza ng'hani mweye na nodeng'helela kuwona vimugangamala goya na kwima hamoja kumtamanila Kilisito.

1 Wasesalonike 3:6

Sambi Timoseo kabwela, katugalila mbuli zinogile za tamanilo jenu na unogelwa wenu. Katulongela motugesa vinogile siku zose na molonda kutona kamba siye vitulonda kuwona mweye.

1 Wasesalonike 3:8

Kamba mogangamala muugima wenu kwa kuilumba na Mndewa sambi tokala moyo hole.

Waebulania 2:1

Lekaavo tolondigwa kugagoga goya gatuhulike, ili sikutusonge mholemhole kuleka kutamanila.

Yakobo 5:17

Eliya kakala munhu kamba siye. Kawamba kumpula Imulungu mvula sikuitowe, mvula nayo haitowile mwiisi kwa miyaka midatu na miyezi sita.

2 Yohana 1:4

Ndeng'helela ng'hani vinyone wanago wayagwe okala mna ikweli kamba Imulungu Tata viyatulagize.

Yuda 1:3

Mbwiga zangu, niwamba ng'hani kuwandikila mbuli ya ukombola wetu siye wose, nilondigwa kuwandikila ili niwagele moyo ili mugendelele kuwamba mna ditamanilo, diwagweleligwa wanhu wa Imulungu, mwanza umoja kwa kipindi chose.