2 Wakolinto 7:11 - Biblia Kikutu

¹¹ Loleni, viyatendile Imulungu kubitila kunyunyuwala kwenu, sambi mowamba ng'hani, modaha kulagusa kamba munoga. Mokona usungu mwahagona gehile gosang'hanwa, mosinhuka na kudumba, mosulukila ganogile, muilava kwa kusang'hana, molonda kona ganogile gotendeka. Kwa kila mbuli muilagusa mwabule gehile.

2 Wakolinto 7:11 ပူးပေါင်းရင်းမြစ်များ

Zabuli 119:139

Unogelo wangu kumwako onitenda nyone usungu, kwavija wanhu onihila hawazigelegeza mbuli zako.

Zabuli 130:6

Loho yangu yombeta Mndewa, kubanza wakalizi viwobeta imotondo ivike, ona, kubanza wakalizi viwobeta usiku uche.

Zabuli 145:19

Kowagwaa gaja gowolonda awo omdumba, heyo kohulika kililo chao na kowakombola.

Zabuli 2:11

Mumsang'hanile Mndewa Imulungu kwa kumdumba, na mudeng'helele kwa kugwaya.

Zabuli 35:13

Lakini viwakugule hewo, niye nivala magunia kulagusa kuiyalala, niye nifunga kuja, nipula akuno niidulika pala jangu,

Zabuli 38:9

Go Mndewa, vose vinisulukila kuvijuwa, kugutilila kwangu kokujuwa goya.

Zabuli 42:1

Kamba mhala viyogasulukila mazi ga ulwanda, vivo vinikusulukila, gweye Mndewa Imulungu.

Zabuli 69:9

Kwavija unogelwa wangu kwa ng'anda yako osoma mgati mmwangu kamba moto, maligo ga awo okuliga ganizila.

Nongezi 14:16

Yeli na ubala koiteganya na koinega kutali na gehile, lakini zozolo hagelegeza na koitapa.

Nongezi 28:14

Kamweda munhu yomdumba Mndewa Imulungu siku zose, lakini yeli na moyo mdulu kopata magazo.

Maluko 3:5

Yesu kawalola wanhu awo kwa kugevuzika, kawonela bazi mbuli ya udala wa mizoyo yao. Abaho kamulongela munhu ayo, “Golosa mkono wako.” Nayo kaugolosa mkono wake, na mkono wake uhona.

Yohana 2:17

Wanahina zake wakumbuka kamba Maandiko Gang'alile golonga, “Unogelwa wangu wa ng'anda yako ya kutambikila, osoma mgati mmwangu kamba moto.”

Sang'hano 17:16

Paulo viyakalile kowabeta Sila na Timoseo ako Asene kagevuzika ng'hani viyonile buga dijo dimema vinyago va imilungu.

Walumi 11:20

Ona molonga. Wakanhigwa kwavija hawatogole, mweye musola hanhu hao kwavija mutogola. Lakini sikumuigodele mbuli ayo, ila dumbeni.

Walumi 14:18

Munhu yomsang'hanila Kilisito kamba avo, komnogeza Imulungu na kotogoligwa na wanhu.

Walumi 3:5

Kamba gaja gehile gotusang'hana golagusa kamba Imulungu kotenda goya, vino tulongeze? Tulonge Imulungu kobananga yahatutagusa? Hano nolonga kiunhu unhu.

1 Wakolinto 12:25

Avo, kuduhu kuigola mulukuli, lakini maungo gose goitaza.

1 Wakolinto 5:13

Imulungu kowatagusa wanhu weli kunze ya vibumbila va wanhu wamtogole Yesu. Mweye muwingeni munhu yehile mkibumbila chenu.

1 Wakolinto 5:2

Modahaze kuigoda? Maza mulondigwa munyunyuwale, na munhu yatendile kilozo acho kolondigwa yawingigwe kumwenu.

2 Wakolinto 13:7

Avo tompula Imulungu sikumutende mbuli yoyose ihile. Siyo kamba tolonda wanhu watugese siye tuhuma, lakini mweye mutende ganogile hata kamba siye tokoneka tulemelwa.

2 Wakolinto 2:6

Nhaguso iyatagusigwe munhu ayo na wanhu bwando kumwenu yomfaya.

2 Wakolinto 6:4

Avo toilagusa kamba kweli twa wasang'hanaji wa Imulungu kwa kila kinhu, kwa kufunga umoyo na kwa kugaya na kwa kipindi kidala na kwa madununzo,

2 Wakolinto 7:1

Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng'huli zetu hebu mizoyo yetu, tung'ale ng'hani na tumtegeleze Imulungu.

2 Wakolinto 7:7

Siyo kwiza kwake kwiiyeka, lakini vivija mbuli ya mweye vimumuhozile umoyo. Nayo katulongela vimusulukila kunyona na vimunyunyuwale kwa gaja galawilile, na vija vimulonda kunigombela, avo nodeng'helela ng'hani.

2 Wakolinto 7:9

Sambi nodeng'helela, siyo kwavija munyunyuwala, lakini kwavija kunyunyuwala kwenu kuwatenda muleke nzambi na mumbwelela Imulungu, na Imulungu kakusang'hanila kunyunyuwala kuko, avo hatuwalumize bule.

2 Wakolinto 9:2

Nowajuwa vimuwamba kuwataza wanhu, niye niigodela mbuli ayo kwa wanhu wa Makedonia. Niwalongela toka mwaka ubitile mweye wanhu wa Akaya muitanda kulava, moyo wenu wa kulava uwatenda wanhu bwando watende vivo.

Waefeso 4:26

Mwahagevuzika, sikumutogole kugevuzika kwenu kuwatende mutende nzambi, na sikumukale na ng'hasiliki kutwa ngima.

Waefeso 5:11

Sikumutende sang'hano zihile za mdiziza, lakini zilaveni kunze kuna umulenge.

Wafilipi 2:12

Mbwiga zangu siku zose vinikalile na mweye munitegeleza, na hata sambi nakutali na mweye wambeni kunitegeleza. Kwa bwembwe na kugwaya sang'haneni ili ukombola wenu utelele,

1 Wasesalonike 4:6

Kwa mbuli ino, munhu yoyose sikuyamtendele vihile miyage hebu kumbunza. Tuwalongela mwaka mbuli ino na tuwazuma ng'hani kuwa Mndewa kowatagusa wose otenda mbuli azo.

1 Timoseo 5:20

Wanhu wose otenda nzambi, wazume mgameso ga wanhu, ili wanhu wayagwe wadumbe.

2 Timoseo 2:15

Wamba ng'hani kusang'hana ganogile mgameso ga Imulungu na uwe msang'hanaji yeliduhu kinyala kwa sang'hano yake, yofundiza goya usenga wa ukweli wa Imulungu.

Tito 3:8

Mbuli ino inilonga ukweli wiiyeka. Nolonda uilonge mbuli ino kwa kugangamala, ili waja wamtogole Imulungu wasulukile ng'hani kipindi chose kusang'hana ganogile. Mbuli zino zinoga na zomfaya kila munhu.

Waebulania 4:1

Avo kwavija kija kiyalongile Imulungu mbuli ya kwingila hanhu ha kubwihila king'hali baha, tuiteganye munhu yoyose kumwenu sikuyaswele kwingila hanhu aho.

Yakobo 3:17

Lakini nzewele ilawa kuulanga tanhu isunhigwa, na vivija ina tindiwalo na unogelwa na uhole, yowagelegeza wayagwe na imema bazi na yotenda ganogile, haibagula wanhu na yabule utapitapi.

1 Petulo 1:17

Kwavija mwahampula momkema Tata, yuyo yonda yamtaguse kila munhu bila kubagula kamba viyasang'hane, mukale hano mwiisi kamba wanhu baki kuno momtegeleza kwa kugwaya.

1 Petulo 2:2

Muwe kamba wana ving'hele, viwogasulukila matombo, avo na mweye sulukileni matombo ganogile nago zizo mbuli zinogile za Imulungu, ili mudahe kukula muukombola wenu.

Yuda 1:23

Wakomboleni muumoto wanhu wayagwe. Oneleni bazi wanhu wayagwe kwa kuiteganya, lakini vihileni hata viwalo vao vifitizigwe kwa kusulukila kwao kwihile.

Ugubulo 3:19

Niye nomkomhokela na kumkoboza munhu yoyose inimnogela. Avo, wamba kusang'hana ganogile na uleke nzambi zako.