2 Wakolinto 7:1 - Biblia Kikutu

¹ Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng'huli zetu hebu mizoyo yetu, tung'ale ng'hani na tumtegeleze Imulungu.

2 Wakolinto 7:1 ပူးပေါင်းရင်းမြစ်များ

Zabuli 119:9

Koigendeleza vilihi mbwanga nzila yake ing'ale? Kwa kutegeleza na kukweleleza mbuli yako.

Zabuli 19:9

Kumdumba Mndewa Imulungu kunoga, kokala milele. Malagizo ga Mndewa Imulungu ga kweli na gose gana haki.

Zabuli 51:10

Gweye Imulungu unilumbile moyo ung'alile, uilumbe kabili loho itindiwale mgati mmwangu.

Nongezi 16:6

Kwa unogelo hawishaga na kutamanilwa munhu kosegesiligwa nzambi, kwa kumdumba Mndewa Imulungu koinega na gehile.

Nongezi 20:9

Nani yodaha kulonga, “Nisunha zoyo jangu, ning'ala na nzambi zangu?”

Nongezi 30:12

Hana wanhu oyona wana haki, kumbe wang'hali hawana sunhigwa gehile gao.

Nongezi 8:13

Kumdumba Mndewa Imulungu kuigala na kwihila gehile, nokihila kibuli na kuitapa, na ukazi wihile, na ulonzi wihile.

Walawi 13:58

Lakini kamba minyela nyela isegela mkiwalo kifuwigwe, kiwalo acho kifuwigwe kabili ili king'ale.

Matayo 12:33

“Matunda ganogile golawa mdibiki dinogile, wahawa na biki dihile kokuwa na matunda gehile. Kwavija biki dojuwika kwa matunda gake.

Matayo 5:48

Molondigwa mutelele kamba Tataenu yeli kuulanga viyatelele.

Matayo 5:8

Wamweda wanhu waja wailavile kwa Imulungu kwa mizoyo yao yose, kwavija omona Imulungu!

Sang'hano 9:31

Avo kipindi acho vibumbila va wanhu wamtogole Yesu vikala moyo hole kila hanhu kuko Yudea na Galilaya na Samalia. Kubitila Loho Yang'alile yakalile yowagangamiza wanhu, wanhu ongezeka ng'hani viwakalile okala kwa kumdumba Mndewa.

Walumi 5:20

Malagizo ga Musa galawilila, avo gehile nago gongezeka, lakini nzambi vizongezeke, ng'hekewa ya Imulungu nayo yongezeka ng'hani.

1 Wakolinto 6:20

kwavija muguligwa kwa bei ng'hulu. Avo zisang'hanileni ng'huli zenu kwa ukulu wa Imulungu.

2 Wakolinto 1:20

Kwavija haitongigwa Imulungu kalonga miyanza mingahi, vija viyalongile kubitila Kilisito vokuwa, “Ona.” Lekaavo “Ona” yetu itulonga kubitila Kilisito, toilonga kwa kumgwaa ukulu Imulungu.

Waefeso 2:3

Na siye wose tukala kamba wao, na tukala kwa kukweleleza usulukilo wihile uli mgati mmwetu, na tusang'hana mbuli zija zinogeligwe na ng'huli zetu na nzewele zetu. Kamba vitukalile, kamba viweli wanhu wayagwe, tumgevuza Imulungu na tulondigwa kutaguswa.

1 Wasesalonike 3:13

Avo koigangamiza mizoyo yenu, na mweye mokuwa mduhu kitala na mong'ala mgameso ga Imulungu wetu na Tataetu kipindi Mndewa wetu Yesu vonda yeze hamoja na wose iyawasagule.

1 Wasesalonike 4:7

Imulungu hatukemile bule tukale muugoni, ila tung'ale.

1 Wasesalonike 5:23

Imulungu mwenyego iyotugwaa tindiwalo yawatende muwe wang'alile ng'hani na kwika unhu wenu na loho na mizoyo na lukuli kutali na ubananzi wowose, mna ikipindi cha kubwela Mndewa wetu Yesu Kilisito.

Waebulania 12:23

Mweye muvika kuna ikibumbila cha wana wa chaudele wa Imulungu, waja matwaga gao gandikigwe kuulanga. Mweye mwiza kwa Imulungu yeli msemi wa wanhu wose na mwiza mziloho za wanhu wanogile watendigwe watelele.

Waebulania 12:28

Avo tumgwee nhogolwa Imulungu, kwavija tubokela undewa hautigisika. Tumgwee nhogolwa Imulungu na tumgwee ukulu onda umnogeze, kwa kumtegeleza na kwa bwembwe.

Waebulania 4:1

Avo kwavija kija kiyalongile Imulungu mbuli ya kwingila hanhu ha kubwihila king'hali baha, tuiteganye munhu yoyose kumwenu sikuyaswele kwingila hanhu aho.

Waebulania 6:9

Ndugu zetu, hata kamba tolonga vino, siye towajuwa goya, mweye mwa mnzila inogile ng'hani, nzila iwalongoza muukombola.

Yakobo 4:8

Mkweseleni behi Imulungu nayo kowakwesela behi. Sunheni makono genu mweye wene nzambi. Sunheni mizoyo yenu, mweye watapitapi!

1 Petulo 1:15

Kamba vija Imulungu yawakemile voyong'ala avo na mweye mung'ale mzimbuli zose zimusang'hana,

1 Petulo 1:17

Kwavija mwahampula momkema Tata, yuyo yonda yamtaguse kila munhu bila kubagula kamba viyasang'hane, mukale hano mwiisi kamba wanhu baki kuno momtegeleza kwa kugwaya.

1 Petulo 1:22

Na sambi mweye kwa kuugoga ukweli musunhigwa, na muwanogela kwa ukweli ndugu zenu, avo muinogele kwa mizoyo yenu yose.

1 Petulo 2:11

Mbwiga zangu nowapula kamba wabita nzila na wanhu baki hano mwiisi, lekeni kusulukila vihile kwa lukuli ako kugomba siku zose na loho zenu.

1 Petulo 5:10

Mwahamambukiza kugaya kwa kipindi kidodo, Imulungu yeli na ng'hekewa yawakemile mweye muwe na fungu kwa kuilumba na Yesu Kilisito muukulu wake wa milele kowatenda mutelele na kowagangamiza na kowagwaa nguvu na kowatenda muwe kamba chandusilo.

1 Yohana 1:7

Lakini kamba tokala mna umulenge kamba heyo viyali mulenge, toilumba siye kwa siye, na damu ya mwanage, Yesu yotusunha nzambi zetu zose.

1 Yohana 1:9

Lakini twahatogola kamba siye twa wene nzambi, Imulungu kotamaniligwa na kotenda goya, kozigela kumgongo nzambi zetu, na kotusunha na gose gehile gatutendile.

1 Yohana 3:3

Munhu yoyose yomtamanila Kilisito koisunha, kamba vija Kilisito viyaisunhile.