2 Wakolinto 6:9 - Biblia Kikutu

⁹ Tojuwika, lakini totendigwa kamba hatujuwika, tokoneka tofa, lakini tung'hali wagima, tutoigwa lakini hatukomigwe bule.

2 Wakolinto 6:9 ပူးပေါင်းရင်းမြစ်များ

Sang'hano 17:18

Wanhu waifunzile nzewele za Epiluko na Stoiki hawamtogolele, wayagwe walonga, “Ubozi gani oolonga munhu ino?” Wayagwe wedika, “Yokoneka kolonga mbuli ya milungu haijuwika?” Walonga avo kwavija Paulo kakala yowapetela mbuli ya Yesu na kuzilibuka.

Sang'hano 19:26

Lelo mohulika na kona wenyego mbuli ziyatendile Paulo siyo hano Efeso kwiiyeka, lakini vivija kose mwiisi ya Asiya. Kawading'hula na kuwatenda wanhu watogole kamba mulungu yatendigwe kwa makono ga wanhu hali mulungu bule.

Sang'hano 25:19

Lakini wakala oibamilila mbuli ya dini yao wenyego na mbuli ya munhu yokemigwa Yesu, yakalile yafile, lakini Paulo kagendelela kulonga kakala mgima.

Sang'hano 25:26

Lakini niye nabule mbuli ya kumwandikila Mndewa mkulu wa Lumi mbuli ya munhu ino. Avo nimgala haulongozi wenu ng'haning'hani haulongozi wako, gweye Mndewa Agilipa ili wahamala kumulolesa, mhate dakwandika mbuli yake.

Walumi 15:19

kwa udahi wa unzonza na vifukuzi, kwa kubitila udahi wa Loho wa Imulungu. Avo muumwanza wangu kulawa Yelusalemu mbaka Iluliko, niwapetela wanhu Mbuli Inogile yose ya Kilisito.

Walumi 8:36

Kamba Maandiko Gang'alile vigalonga, “Mbuli yako, siye twa mdizumozumo da kufa imisi na ikilo. Tuigala na ng'hondolo ochola kuchinjigwa.”

1 Wakolinto 11:32

Lakini totagusigwa na kufunzigwa na Mndewa, ili sikutoneke tubananga hamoja na wanhu wa mwiisi.

1 Wakolinto 15:31

Ndugu zangu, kila siku na mmabehi na ifa! Magoda ganilinago kumwenu kwa kuilumba na Yesu Kilisito Mndewa wetu gonhenda nonge vino.

1 Wakolinto 4:9

Kwavija vinikona niye, Imulungu katutenda siye watumigwa tuwe wanhu wa kimambukizo, kamba wanhu watagusigwe kukomigwa mgameso ga wanhu, tuwe kilozo mwiisi yose haulongozi ha wasenga wa kuulanga na wanhu.

2 Wakolinto 11:6

Sengine nokoneka sili mulongaji goya, lakini nzewele ninazo, mbuli ino tuilagusa goya siku zose na kipindi chose.

2 Wakolinto 4:2

Tuzileka mbuli zose zigela kinyala na za kinyelegezi, hatulonga mbuli za uvizi hebu kuilonga vihile mbuli ya Imulungu. Lakini kwa kulonga ukweli mgameso ga Imulungu, ili wayagwe watugese mmizoyo yao kamba totamaniligwa.

2 Wakolinto 5:11

Siye tojuwa choni kumdumba Mndewa, avo towamba kuwatewenza wanhu wayagwe. Imulungu kotujuwa goya, na niye nogesa kamba mweye vivija munjuwa mmizoyo yenu.