2 Wakolinto 6:4 - Biblia Kikutu

⁴ Avo toilagusa kamba kweli twa wasang'hanaji wa Imulungu kwa kila kinhu, kwa kufunga umoyo na kwa kugaya na kwa kipindi kidala na kwa madununzo,

2 Wakolinto 6:4 ပူးပေါင်းရင်းမြစ်များ

Luka 21:19

Mwahagangamala, moihonya wenyego.

Yohana 16:33

Niwalongela gano gose, ili kwa kubandagala mmwangu mkale moyo uholile. Mwiisi mnago madununzo, lakini fungeni umoyo! Niye niihuma isi!”

Sang'hano 2:22

“Wanhu wa Izilaeli! Tegelezeni mbuli zino, Yesu wa Nazaleti kakala munhu wa udahi na kalagusigwa kumwenu kwa unzonza na vilaguso viyatendile Imulungu kubitila kumwake. Mweye wenyego muijuwa mbuli ino kwavija ilawilila bahano hamwenu.

Sang'hano 20:34

Mweye wenyego mojuwa kamba nisang'hana kwa makono gangu mwenyego, ili mhate vinhu vinilonda niye na wayangu.

Sang'hano 9:16

Niye mwenyego nomulagusila vonda yadununzike mbuli yangu.”

Walumi 14:18

Munhu yomsang'hanila Kilisito kamba avo, komnogeza Imulungu na kotogoligwa na wanhu.

Walumi 16:10

Mulamuseni Apele, ija sang'hano yake kwa Kilisito yoneka kuwa inoga. Ndamusileni wanhu wose weli mng'anda ya Alisitobulo.

Walumi 3:5

Kamba gaja gehile gotusang'hana golagusa kamba Imulungu kotenda goya, vino tulongeze? Tulonge Imulungu kobananga yahatutagusa? Hano nolonga kiunhu unhu.

Walumi 5:8

Lakini Imulungu katulagusila vija viyotunogela kwavija vitukalile tung'hali totenda nzambi Kilisito kafa mbuli yetu siye!

1 Wakolinto 3:5

Vino, Apolo ayo nani? Na Paulo ayo nani? Siye twa wasang'hanaji wa Imulungu, tuwatenda mweye mutogole. Kila imoja wetu kotenda sang'hano iyagweleligwe na Mndewa.

1 Wakolinto 4:1

Mtugese siye kamba wasang'hanaji wa Kilisito, tugweleligwe udahi wa kuwafambulila wanhu mbuli zifisigwe za Imulungu.

1 Wakolinto 9:11

Siye tuhanda mbeyu ya Loho mgati mwenu. Vino mbuli ng'hulu twahapata vinhu vitulondigwa?

2 Wakolinto 11:23

Kamba wao wasang'hanaji wa Kilisito? Nolonga kamba munhu yeli na kibozi mbwelela, niye na msang'hanaji wa Kilisito kubanza awo! Niye nisang'hana sang'hano ndala ng'hani, ngodekigwa mkifungo miyanza bwando, nhoigwa miyanza bwando, ng'hala mdizumozumo da ifa miyanza bwando.

2 Wakolinto 11:27

Nisang'hana na kugaya, ng'hala meso miyanza mingi, ng'hala na nzala na ng'hilu na miyanza mingi nisinda na nzala, ng'hala nokona beho na ng'hala nabule viwalo.

2 Wakolinto 11:9

Ving'halile na mweye simgazile munhu yoyose yangwee chochose kinonda, kwavija ndugu walawile Makedonia wangalila kila kinhu kinondile. Kamba vija vindekile kuwagaza kwa kinhu chochose, avo nogendelela kutenda vivo!

2 Wakolinto 12:10

Avo niye nodeng'helela kunyolila, kuligigwa, kuzehigwa, kugaya na madununzo mbuli ya Kilisito. Kwavija nahanyolila, baho nogangamala.

2 Wakolinto 12:12

Unzonza na vifukuzi vitendeke kumwenu kwa kufunga umoyo vilagusa goya kuwa niye na mtumigwa.

2 Wakolinto 2:17

Siye hatuigalile na wanhu wayagwe, opata sente kwa kuchuuza usenga wa Imulungu, siye kwa kuilumba na Kilisito tolonga fulu ipile mgameso ga Imulungu, kamba wanhu tutumigwe na Imulungu.

2 Wakolinto 3:6

yatugwelele udahi wa kuwa wasang'hanaji wa lagano da sambi, siyo kwa malagizo gandikigwe, ila kwa Loho wa Imulungu. Kwavija malagizo gandikigwe gogala ifa, lakini Loho Yang'alile kogala ugima.

2 Wakolinto 4:17

Magazo gotupata gabuha na gokala kwa kipindi kidodo, lakini gotugalila ukulu wa milele kubanza gago gamagazo.

2 Wakolinto 4:2

Tuzileka mbuli zose zigela kinyala na za kinyelegezi, hatulonga mbuli za uvizi hebu kuilonga vihile mbuli ya Imulungu. Lakini kwa kulonga ukweli mgameso ga Imulungu, ili wayagwe watugese mmizoyo yao kamba totamaniligwa.

2 Wakolinto 4:8

Siku zose togaya, lakini hatuhondigwa, tokona shaka, lakini hatubwela kuchugu,

2 Wakolinto 7:11

Loleni, viyatendile Imulungu kubitila kunyunyuwala kwenu, sambi mowamba ng'hani, modaha kulagusa kamba munoga. Mokona usungu mwahagona gehile gosang'hanwa, mosinhuka na kudumba, mosulukila ganogile, muilava kwa kusang'hana, molonda kona ganogile gotendeka. Kwa kila mbuli muilagusa mwabule gehile.

Wakolosai 1:11

Imulungu yawagangamize kwa udahi wake mkulu ili mubetele kila kinhu kwa kufunga umoyo na kudeng'helela,

Wakolosai 1:24

Sambi nodeng'helela vinigaya mbuli ya mweye kwavija kwa kugaya kwangu mulukuli, nogamambukiza gaja gasigale mna ukugaya kwa Kilisito mbuli ya lukuli lwake, lukuli wao wanhu wose wamtogole Yesu.

1 Wasesalonike 3:7

Ndugu zangu, hamoja na magayo na madununzo getu gose, mutugela moyo mbuli ya kutamanila kwenu.

1 Wasesalonike 5:14

Ndugu zetu, towamba kuwapula muwazume wanhu wanyeke, muwasamhuse waliduhu nguvu, muwataze wanyolile na fungeni umoyo kwa wanhu wose.

1 Timoseo 2:15

Lakini mtwanzi kokalizigwa kipindi viyolela wana, kamba yahagendelela kukala kwa kutamanila na kung'ala na unogelwa na kwa kutenda gago gose kwa kugesa vinogile.

1 Timoseo 4:6

Kamba uhawagwaa mafundizo gano wanhu wamtogole Yesu, kokuwa msang'hanaji yanogile wa Yesu Kilisito na uhagendelela kukula kiloho kwa mbuli za kutamanila na mafundizo gaukweli gaukweleleze.

1 Timoseo 6:11

Lakini gweye munhu wa Imulungu, vigwale vinhu vose avo. Goga kutenda goyolonda Imulungu, kumgwaa ukulu Imulungu, kutamanila, unogelwa, kubetela kwa kufunga umoyo na uhole.

2 Timoseo 1:8

Avo sikuukone kinyala kuwalongela wanhu mbuli ya Mndewa, na sikuukone kinyala kuilumba na niye mfungwa wake, lakini ilumbe na niye mna ukugaya mbuli ya Mbuli Inogile, kamba Imulungu viyokugwaa nguvu ya kutenda vivo.

2 Timoseo 2:24

Kamba msang'hanaji wa Mndewa, sikuuwe na ndwagi, uwe na moyo unogile kwa wanhu wose, uwe mfundiza yanogile na ufunge umoyo.

2 Timoseo 4:5

Lakini gweye uiteganye na ufunge umoyo mna gamagayo, usang'hane kuwapetela wanhu Mbuli Inogile na uimambukize sang'hano yako.

Waebulania 12:1

Kwavija siye tuzungulukigwa na lunhu lwa wanhu otulola, avo tusegese kila kinhu kitukimila mnzila, na nzambi ija ituzingiliza ng'hani na tukimbile kwa kuwamba mna ukuihuma kwitwikiligwe.

Ugubulo 1:9

Niye Yohana ndugu yenu, na kwa kuilumba na Yesu nina fungu hamoja na mweye mna gamagayo na nina fungu hamoja na mweye muundewa wake na kufunga umoyo. Niye ngaligwa kugodekigwa mkisiwa kikemigwa Patimo mbuli ya kuwapetela wanhu mbuli ya Imulungu na kwa mbuli ya kuwalongela wanhu ukweli ugubuligwa na Yesu.

Ugubulo 3:10

Kwavija gweye kudigoga lagizo jangu da kufunga umoyo, na niye nokuhonya na magayo gonda geze mwiisi yose, kuwageza wanhu wose okala mwiisi.