2 Wakolinto 5:10 - Biblia Kikutu

¹⁰ Kwavija kila munhu kokwima kuulongozi wa Kilisito yatagusigwe. Kila munhu kobokela kija kiyolondigwa, kamba vija viyasang'hane mwiisi, kamba ganoga hebu geha.

2 Wakolinto 5:10 ပူးပေါင်းရင်းမြစ်များ

Matayo 16:27

Kwavija Mwana wa Munhu kokwiza muukulu wa Tatake hamoja na wasenga wa kuulanga, abaho komgwaa kila munhu nhunza yake iigalile na sang'hano yake.

Ugubulo 22:12

Yesu kolonga, “Tegeleza! Nokwiza hima hamoja na nhunza yonda nimgwee kila munhu kamba viyasang'hane.

Waefeso 6:8

Kumbukeni kuwa, Mndewa komgwaa nhunza munhu yoyose, yawe mtumwa hebu kakomboligwa mbuli ya sang'hano yake inogile.

Zabuli 62:12

na unogelwa hawishaga wa Mndewa, na heyo komuliha kila munhu kamba viyasang'hane.

1 Wakolinto 4:5

Avo sikumumtaguse munhu yoyose king'hali kipindi hakinavika. Lekeni mbaka Mndewa vonda yeze, nayo kokwiza kugamwemwesela gaja gafisigwe mdiziza na kugafisula gaja gose geli mmizoyo ya wanhu. Aho kila munhu kobokela nhogolwa yake kulawa kwa Imulungu.

1 Petulo 4:5

Lakini olondigwa kumwidika Imulungu mbuli zao ziwatendile, heyo yaitandile kuwatagusa wagima na wafile.

Zabuli 98:9

kuulongozi wa Mndewa Imulungu, yokwiza yaitaguse isi yose. Koitagusa isi yose kwa haki, na iwanhu wose wa mwiisi kamba viilondigwa.

Sang'hano 17:31

Kwavija Imulungu keka siku dimoja donda yawataguse wanhu wose wa mwiisi bila kumonela munhu kubitila munhu iyamsagule. Imulungu kawalagusila mbuli ino kwa kumzilibula munhu ayo kulawa kwa wafile!”

Sang'hano 10:42

Katulagiza tuwapetela wanhu Mbuli Inogile na kuwalongela kamba Yesu iyo yasaguligwe na Imulungu kuwatagusa wanhu wagima na wafile.

Ugubulo 2:23

Vivija nowakoma wanhu omkweleleza, abaho vibumbila vose va wanhu onhogola vojuwa kamba nene heyo nilola goya goyogesa na goyolonda kila munhu. Nomuliha kila imoja wenu kamba vimsang'hane.

Mwanduso 18:25

Sigesa kamba kotenda vivo, kuwakoma wanhu wanogile hamoja na wanhu wene nzambi! Havidahika bule, kwavija msemi wa isi yose kolondigwa yataguse goya.”

1 Samweli 2:10

Wanhu omwihila Mndewa Imulungu obenigwa vihande vihande, kotowa ng'huwa kumwao kulawa kuulanga. Mndewa Imulungu koitagusa isi yose, komgwaa nguvu mndewa wake, koukweza udahi wa ayo iyamsagule.”

Walumi 6:19

Nolonga ulonzi uwalongaga wanhu siku zose ili mudahe kujuwa. Kamba vija umwaka vimuilavile wenyego kuwa watumwa wa nzambi na gehile gose. Vivija sambi molondigwa muilave wenyego kuwa watumwa wa kutenda goyolonda Imulungu, gogala kung'ala.

1 Samweli 2:3

Lekeni kuitapa, lekeni kulonga bezi. Kwavija Mndewa Imulungu ayo Imulungu yojuwa gose, kubitila heyo gose gotendwa gopimigwa.

2 Wakolinto 7:3

Silonga mbuli zino kwa kumtagusa munhu, kamba vinongile, mweye mwa mmizoyo yetu, tufe hamoja hebu tuwe wagima hamoja.

Walumi 2:16

Gano golawilila mna isiku ayo Imulungu vonda yagataguse magesa ga kinyelegezi ga wanhu, kubitila Yesu Kilisito, kamba viilonga Mbuli Inogile iniwapetela.

Waebulania 9:27

Kamba vija kila munhu kofa mwanza umoja, abaho kotagusigwa na Imulungu,