2 Wakolinto 4:6 - Biblia Kikutu

⁶ Imulungu yalongile, “Mulenge umwemwese kulawa mdiziza!” Ayo yatendile mulenge wake umwemwese mmizoyo yetu, katugwelela mulenge wa nzewele za ukulu wa Imulungu mkihanga cha Yesu Kilisito.

2 Wakolinto 4:6 ပူးပေါင်းရင်းမြစ်များ

Mwanduso 1:3

Imulungu kalonga, “Hawe na mulenge,” na mulenge wiza.

Zabuli 63:2

Nikona hanhu hako hong'ala, nizona nguvu zako na ukulu wako.

Zabuli 74:16

Imisi yako na vivija ikilo yako, gweye kwika zuwa na mbalamwezi.

Zabuli 90:16

Sang'hano zako zoneke kwa wasang'hanaji wako, ukulu wako kwa wanao.

Luka 10:22

“Tatangu kanigwaa vinhu vose. Kuduhu munhu yamjuwile Mwana ila Tata yaiyeka, na kuduhu munhu yamjuwile Tata ila Mwana na waja wose Mwana yawasagule kuwagubulila wamjuwe Tata.”

Yohana 1:14

Na heyo yakemigwe Mbuli kawa munhu, kakala hamoja na siye, na siye tuwona ukulu wake, ukulu uyagweleligwe na Imulungu Tatake, nayo kamema ng'hekewa na ukweli.

Yohana 11:40

Yesu kamulongela, “Vino sikulongele bule wahatogola kouwona ukulu wa Imulungu?”

Yohana 12:41

Isaya kalonga vino kwavija kawona ukulu wa Yesu na kalonga mbuli yake.

Sang'hano 26:18

Uwafumbule meso gao walawe mdiziza weze kudilenge na walawe mmakono ga Mwenembago wambwelele Imulungu, avo kubitila kutamanila kwao kumwangu nzambi zao zogeligwa kumgongo na opata uhazi wao mna iwanhu wasaguligwe na Imulungu.’ ”

1 Wakolinto 12:8

Loho komgwaa munhu usenga uli na nzewele, na kwa munhu iyagwe Loho iija komgwaa udahi wa kujuwa mbuli.

2 Wakolinto 2:10

Mwahagela kumgongo nzambi za munhu, na niye vivija nogela kumgongo. Kwavija nahagela kumgongo, kamba kweli cha baho kinhu cha kugela kumgongo, aho nogela kumgongo mgameso ga Kilisito mbuli ya mweye,

2 Wakolinto 3:18

Avo siye wose, vihanga vetu havigubikigwe tuigala na kiyoo kulagusa ukulu wa Mndewa. Togalusigwa tuigale ng'hani na tuvike muukulu ng'hani. Ino ayo sang'hano ya Loho wa Mndewa.

2 Wakolinto 4:4

Hawatogola kwavija Mwenembago, imulungu wa isi ino kazigela nzewele zao mdiziza, ili sikuwawone mulenge wa Mbuli Inogile ya ukulu wa Kilisito, yaigalile na Imulungu kwa kila kinhu.

Waefeso 1:17

Nogendelela kumpula Tata yeli mkulu, Imulungu wa Mndewa wetu Yesu Kilisito, yawagwee Loho wake, yonda yawagwee nzewele na kuwagubulila Imulungu kumwenu ili mumjuwe goya.

Waefeso 1:18

Nompula Imulungu yawataze mudahe kujuwa goya tamanilo diyawakemele na vinhu vingi vinogile viyawekile wanhu zake,

Waefeso 5:8

Aho umwaka mweye mukala mdiziza, lakini sambi mokala kumulenge kwa kuilumba na Mndewa. Avo mukale kamba wanhu wa mulenge,

Wafilipi 2:6

Kilisito viyali kakala kweli Imulungu, lakini hagesile bule kamba kuigala na Imulungu kinhu cha kunanahila,

Wakolosai 1:15

Kilisito yokoneka kaigala too na Imulungu hakoneka. Kilisito ayo chaudele, heyo ayo mkulu wa vinhu vose viumbigwe.

1 Wasesalonike 2:12

Tuwagangamiza, tuwasamhusa na kuwatenda mukale viyolonda Imulungu, yowakemeni muwe na fungu Muundewa wake na ukulu wake.

Waebulania 1:3

Heyo ayo mng'alo wa ukulu wa Imulungu na koigala na Imulungu too! Kila kinhu cholawilila kwa lagizo jake dili na nguvu. Viyamambukize kuzisunha nzambi za wanhu, kakala kuna uukulu kuko kuulanga mwambu wa mkono wa kudila wa Imulungu mkulu.

Waebulania 6:4

Havidahika kuwatenda waleke nzambi zao kabili wanhu waja wagubuliligwe aho haichanduso ukweli wa Imulungu na walanza nhunza ya kuulanga na hewo na wayao wambokela Loho Yang'alile,

1 Petulo 1:12

Imulungu kawagubulila watula ndagu awo, kamba hawaisang'hanila wenyego lakini owasang'hanila mweye. Wao wakala olonga mbuli ya kija kimulongeligwe sambi na waja wawapetele Mbuli Inogile kwa nguvu ya Loho Yang'alile yatumigwe kulawa kuulanga. Hata wasenga wa kuulanga osulukila ng'hani kuzijuwa goya.

1 Petulo 2:9

Lakini mweye mwa wanhu musaguligwe, walava nhosa wa kindewa na wanhu wa isi ing'alile, wanhu wa Imulungu, ili mupete mbuli za unzonza ziyatendile, kawakema mulawe mdiziza mwize mmulenge wa kukanganya.

2 Petulo 1:19

Avo mbuli za watula ndagu wa Imulungu zilagusigwa goya kumwetu, na motenda goya mwahazigoga, kwavija ziigala na taa ikwaka mdiziza mbaka imitootondo na mulenge wa nhondo za imitondo omwemwesa mmizoyo yenu.