2 Wakolinto 4:11 - Biblia Kikutu

¹¹ Siku zose za ugima wetu twa mdizumozumo da ifa mbuli ya Yesu, ili ugima wake oneke mzing'huli zetu zifa.

2 Wakolinto 4:11 ပူးပေါင်းရင်းမြစ်များ

Zabuli 141:7

Mizege yao yopwililisigwa kuzimu, kamba ngodi zituligwe vihande vihande!

Zabuli 44:22

Mbuli yako tokomigwa imisi yose, siye kamba ng'hondolo ochola kuchinjwa.

Walumi 8:11

Kamba Loho wa Imulungu yamzilibule Yesu kwa wafile kokala mgati mmwenu, avo ayo Imulungu yamzilibule Kilisito kwa wafile vivija kozizilibula ng'huli zenu zifaga, kotenda avo kubitila Loho wake, yokala mgati mmwenu.

Walumi 8:36

Kamba Maandiko Gang'alile vigalonga, “Mbuli yako, siye twa mdizumozumo da kufa imisi na ikilo. Tuigala na ng'hondolo ochola kuchinjigwa.”

1 Wakolinto 15:31

Ndugu zangu, kila siku na mmabehi na ifa! Magoda ganilinago kumwenu kwa kuilumba na Yesu Kilisito Mndewa wetu gonhenda nonge vino.

1 Wakolinto 15:49

Kamba vija vituigalile na heyo yaumbigwe kwa udongo, vivo vonda tuigale na heyo yalawile kuulanga.

2 Wakolinto 4:10

Kipindi chose toisola ifa ya Yesu mzing'huli zetu, ili ugima wa Yesu vivija oneke mzing'huli zetu.

2 Wakolinto 4:12

Avo, ifa yosang'hana mgati mmwetu, lakini ugima osang'hana mgati mmwenu.

2 Wakolinto 5:4

Vitukala mdihema dino da mwiisi, togutilila kwa lusikisiki, kwavija hatulonda kululeka lukuli luno lwa mwiisi, lakini tolonda kuvazigwa kae yetu ya kuulanga, ili kija kifa kigalusigwe na ugima wa milele.

2 Wakolinto 6:9

Tojuwika, lakini totendigwa kamba hatujuwika, tokoneka tofa, lakini tung'hali wagima, tutoigwa lakini hatukomigwe bule.