2 Wakolinto 3:7 - Biblia Kikutu

⁷ Malagizo gekigwa mgamabwe, na ukulu wa Imulungu oneka mbaka wanhu wa Izilaeli walemelwa kulola kihanga cha Musa hata mng'alo wa kihanga viukalile ovulala. Kamba malagizo gogala ifa gasang'hana na kugala ukulu kamba awo,

2 Wakolinto 3:7 ပူးပေါင်းရင်းမြစ်များ

Mwanduso 3:21

Abaho Mndewa Imulungu kawatendela Adamu na mwehe wake viwalo va ng'hwembe, kawavaza.

Zabuli 119:174

Go Mndewa Imulungu, nosulukila ng'hani unikombole, malagizo gako dijo deng'ho jangu.

Zabuli 119:97

Malagizo gako nogalonda ng'hani, nogagelegeza imisi yose.

Kulawa 24:12

Mndewa Imulungu kamulongela Musa, “Izo kumwangu uchanha kulugongo, ukale hano, nokugwelela vibao vibili va mabwe mumo nyandika malagizo na gaja golondigwa ili gawafunze Waizilaeli.”

Kulawa 31:18

Mndewa Imulungu viyeshilize kulonga na Musa kuna ulugongo lwa Sinai, kamgwelela Musa vija ivibao vibili va mabwe, Imulungu viyandike malagizo kwa kidole chake mwenyego.

Kulawa 32:19

Viwavikile behi ya ng'hambi wachona acho ikinyago cha ng'ombe wa kimbigalo na wanhu ocheza, aho Musa kagevuzika, kavasa hasi avo ivibao kulawa mmakono gake na kavibena.

Kulawa 34:1

Mndewa Imulungu kamulongela Musa, “Usongole vibao vibili va mabwe kamba vija va ichanduso na niye nokwandika mbuli zija zikalile mvibao vija va ichanduso, vija uvibenile.

Sang'hano 6:15

Wanhu wose wakalile mkitala wambunhulila meso Sitefano, wachona kihanga chake kiigala na kihanga cha msenga wa kuulanga.

Walumi 10:4

Kwavija Kilisito viyezile, keza kugamambukiza Malagizo, avo munhu yoyose yomtogola Kilisito kotendigwa kanoga mgameso ga Imulungu.

Walumi 4:15

Malagizo gogala ng'hasiliki za Imulungu, lakini kamba kuduhu Malagizo, kuduhu kubena Malagizo.

Walumi 5:20

Malagizo ga Musa galawilila, avo gehile nago gongezeka, lakini nzambi vizongezeke, ng'hekewa ya Imulungu nayo yongezeka ng'hani.

Walumi 7:10

Vinikona niye, malagizo gagesigwe gogala ugima, gagala ifa.

Walumi 7:22

Mgati muumoyo wangu nogadeng'helela Malagizo ga Imulungu.

Walumi 7:5

Vitukalile tokala kuno tolongozigwa vija vilulonda lukuli, usulukilo wa nzambi, uding'huke kwa lagizo usang'hana mzing'huli zetu, mbuli zose zitutendile zihelela mwiiifa.

1 Wakolinto 13:10

lakini kipindi chahavika Imulungu kotenda chenele kija kihunguke na hachenele cholawanya.

2 Wakolinto 3:3

Yolagusa kamba mweye mwa baluwa ya Kilisito yaigalile kwa makono getu. Baluwa ayo hayandikigwe kwa wino lakini yandikigwa kwa Loho wa Imulungu yeli mgima, hayandikigwe mdibwe ila mmizoyo ya wanhu.

2 Wakolinto 3:6

yatugwelele udahi wa kuwa wasang'hanaji wa lagano da sambi, siyo kwa malagizo gandikigwe, ila kwa Loho wa Imulungu. Kwavija malagizo gandikigwe gogala ifa, lakini Loho Yang'alile kogala ugima.

2 Wakolinto 3:8

vino, sang'hano ya Loho Yang'alile haigala ukulu ubanzile ng'hani?

Wagalatia 3:10

Lakini wanhu wose otamanila kugatenda golondigwa na Malagizo, wanhu awo waduwiligwa na Imulungu. Kwavija Maandiko Gang'alile golonga, “Munhu yoyose yoleka kugoga kila kinhu chandikigwe mna ikitabu cha Malagizo, munhu ayo kaduwiligwa na Imulungu!”

Wagalatia 3:21

Vino ino yofambula kuwa Malagizo ga Musa hagailumba na kija kiyalongile Imulungu? Aka, haili vivo! Kwavija kamba wanhu wabokela Malagizo godaha kugala ugima, baho munhu yoyose kodaha kutendigwa yanoge mgameso ga Imulungu kwa kugagoga Malagizo.

Kumbukumbu 4:13

Kawalongela lagano jake, na kawalagiza mugagoge gaja Gamalagizo Longo, gayandike mna ivibao vibili va mabwe.

Kumbukumbu 4:8

Vivija kuduhu wanhu wa isi yoyose, hata kamba isi yao ng'hulu, wana malagizo na mafundizo ga haki, kamba gago ganiwafunzile lelo.

Kumbukumbu 5:22

“Gano gago malagizo gayalongile Mndewa Imulungu kwa sauti ng'hulu kulawa muumoto na mdiwingu na ziza totolo vimuiting'hane ako kulugongo na hongeze mbuli yoyose. Abaho kagandika malagizo gago mna ivibao vibili va mabwe na kanigwaa niye.

Kumbukumbu 9:15

“Avo, nihinduka na nihumuluka kulawa kulugongo, lukalile lokwaka moto, kuno nipapa ivibao vibili va mabwe.

Waebulania 12:18

Mweye hamuvikile kulugongo lwa Sinai ludaha kukwasigwa, lugongo lukwaka moto na ziza totolo na wingu titu fii na beho kulu,

Waebulania 3:3

Avo Yesu kolondigwa yagweleligwe ukulu ng'hani kubanza Musa, kamba vija munhu yozenga ng'anda viyogweleligwa ukulu ng'hani kubanza ing'anda yenyego.

Waebulania 9:4

Mgati yake kukala na upango wa zahabu wa kusomela ubani na sanduku da lagano dibakigwe zahabu mhande zose na mgati kwikigwa nongo ya zahabu ikigwe ndiya ikemigwa Mana na mkongoja wa Haluni uzukile majani na maluwa, na mabwe ga bambalagwe gandikigwe malagizo.