2 Wakolinto 3:5 - Biblia Kikutu

⁵ Hatudaha kulonga tusang'hana chochose kwa udahi wetu wenyego, ila udahi wose tuli nao olawa kwa Imulungu,

2 Wakolinto 3:5 ပူးပေါင်းရင်းမြစ်များ

Mwanduso 41:16

Yusufu kamwidika Falao, “Niye nabule udahi awo, lakini Imulungu kokwidika kamba viulonda.”

Luka 21:15

kwavija niye nowagwaa ubala na mbuli za kulonga. Kuduhu munhu mna iwanhu wamwihileni yodaha kuwahuma hebu kulema chonda mulonge.

Luka 24:49

Na niye nowagalila ija iyalongile Tatangu. Lakini beteni kudibuga mbaka nguvu vonda iwezileni kulawa uchanha.”

Yohana 15:5

“Niye na mzabibu, na mweye mwa matambi. Waja okala mgati mmwangu na niye mgati mmwao, olela ng'hani matunda kwavija mweye hamudaha kutenda mbuli yoyose bila niye.

Walumi 15:18

Silonga mbuli yoyose iyagwe, ila mbuli ija iiyeka iyaitendile Kilisito kubitila niye, kuwalongoza wanhu haweli Wayahudi wamtegeleze Imulungu. Nhenda avo kwa kulonga na kusang'hana,

1 Wakolinto 15:10

Lakini kwa ng'hekewa ya Imulungu niwa kamba vinili, na ng'hekewa iyanigwelele hayagile bule. Nisang'hana ng'hani kubanza wayagwe wose, hata avo siyo niye nisang'hane, lakini ng'hekewa ya Imulungu ya hamoja na niye.

1 Wakolinto 3:10

Kwa ng'hekewa iyangwelele Imulungu, nhenda sang'hano ya mzengaji yanogile, nika chandusilo chake na munhu iyagwe kozenga uchanha yake. Lakini kila munhu yozenga kolondigwa yateganye viyozenga.

1 Wakolinto 3:6

Niye nihanda mbeyu, Apolo kagelela mazi, lakini Imulungu heyo yaitendile ikule.

2 Wakolinto 12:9

Lakini Mndewa kanongela, “Ng'hekewa yangu kumwako gweye yotosha, kwavija udahi wangu okuwa mkulu ng'hani gweye wahanyolila.” Avo nodeng'helela ng'hani kuigodela kunyolila kwangu, ili udahi wa Kilisito ukale kumwangu.

2 Wakolinto 2:16

Kwa waja opotela, mnung'ho awo ogala ifa, lakini kwa waja okomboligwa, mnung'ho awo ogala ugima. Vino nani yofaya kwa sang'hano ayo?

2 Wakolinto 4:7

Lakini siye tuli na ngama ino tuigala na nongo, ili kulagusa kamba nguvu ng'hulu yolawa kwa Imulungu, siyo kumwetu.

Wafilipi 2:13

kwavija Imulungu ayo yosang'hana siku zose mgati mmwenu, kuwatenda musulukile kusang'hana kamba viyolonda mwenyego.

Wafilipi 4:13

Nogadaha gose kubitila Kilisito yonigangamiza.

2 Timoseo 2:2

Mafundizo gaja gauhulike nowapetela wanhu mgameso ga wanhu wengi, uwafunze gago wanhu otamaniligwa, odaha kuwafunza wayagwe vivija.

Yakobo 1:17

Kila nhunza inogile na itelele, yolawa kuulanga kwa Imulungu yalumbile vose vilava mulenge, heyo hagalukaga bule kamba sisila.