2 Wakolinto 3:3 - Biblia Kikutu

³ Yolagusa kamba mweye mwa baluwa ya Kilisito yaigalile kwa makono getu. Baluwa ayo hayandikigwe kwa wino lakini yandikigwa kwa Loho wa Imulungu yeli mgima, hayandikigwe mdibwe ila mmizoyo ya wanhu.

2 Wakolinto 3:3 ပူးပေါင်းရင်းမြစ်များ

Zabuli 40:8

Go Mndewa Imulungu, nosulukila kutenda gaja goulonda, malagizo gako gammoyo wangu.”

Zabuli 42:2

Loho yangu yomonela ng'hilu Imulungu, Imulungu yeli mgima. Lini nochola koneka kuulongozi wa Imulungu?

Zabuli 84:2

Moyo wangu osulukila ng'hani ng'anda ya Mndewa Imulungu, moyo wangu na lukuli lwangu vomwimbila Imulungu yeli mgima.

Kulawa 24:12

Mndewa Imulungu kamulongela Musa, “Izo kumwangu uchanha kulugongo, ukale hano, nokugwelela vibao vibili va mabwe mumo nyandika malagizo na gaja golondigwa ili gawafunze Waizilaeli.”

Kulawa 31:18

Mndewa Imulungu viyeshilize kulonga na Musa kuna ulugongo lwa Sinai, kamgwelela Musa vija ivibao vibili va mabwe, Imulungu viyandike malagizo kwa kidole chake mwenyego.

Kulawa 32:15

Abaho Musa kahumuluka hasi ya ulugongo, kuno kagoga vibao vibili va mabwe ga lagano vandikigwe malagizo ga Imulungu banzi zose.

Kulawa 34:1

Mndewa Imulungu kamulongela Musa, “Usongole vibao vibili va mabwe kamba vija va ichanduso na niye nokwandika mbuli zija zikalile mvibao vija va ichanduso, vija uvibenile.

Nongezi 3:3

Unogelo hawishaga na kutamanilwa sambi viwe kutali na gweye. Zifunge msingo yako, zandike muumoyo wako.

Nongezi 7:3

Gafunge mvidole vako, ugandike muumoyo wako.

Matayo 16:16

Simoni Petulo kamwidika, “Gweye kwa Kilisito, Mwana wa Imulungu yeli mgima.”

1 Wakolinto 3:5

Vino, Apolo ayo nani? Na Paulo ayo nani? Siye twa wasang'hanaji wa Imulungu, tuwatenda mweye mutogole. Kila imoja wetu kotenda sang'hano iyagweleligwe na Mndewa.

2 Wakolinto 3:6

yatugwelele udahi wa kuwa wasang'hanaji wa lagano da sambi, siyo kwa malagizo gandikigwe, ila kwa Loho wa Imulungu. Kwavija malagizo gandikigwe gogala ifa, lakini Loho Yang'alile kogala ugima.

2 Wakolinto 3:7

Malagizo gekigwa mgamabwe, na ukulu wa Imulungu oneka mbaka wanhu wa Izilaeli walemelwa kulola kihanga cha Musa hata mng'alo wa kihanga viukalile ovulala. Kamba malagizo gogala ifa gasang'hana na kugala ukulu kamba awo,

2 Wakolinto 6:16

Vino Ng'anda ya Imulungu yoilumbaze na vinyago va imilungu? Avo siye twa Ng'anda ya Imulungu yeli mgima! Kamba viyalongile Imulungu mwenyego, “Nokala nao na kutembela hamoja nao. Niye nokuwa Imulungu wao, na wao okuwa wanhu zangu.”

1 Wasesalonike 1:9

Avo wanhu wose olonga mbuli ya mwanza wetu kumwenu vija vimutubokele na vija vimulekile kutambikila minyago na kumbwelela na kumsang'hanila Imulungu wa ukweli, yeli mgima,

Waebulania 10:16

Mndewa kalonga, “Dino dijo lagano donda niitogolele nao ako kumwande, Nokwika Malagizo gangu mmizoyo yao na nokwandika mzinzewele zao.”

Waebulania 8:10

Avo, dino dijo lagano donda nitende na wanhu wa Izilaeli ako kumwande, nowatenda wagese malagizo gangu na kugeka mmizoyo yao. Nokuwa Imulungu wao, na wao okuwa wanhu zangu.

Waebulania 9:14

Lakini, Kilisito kailava mwenyego kwa Imulungu kamba nhosa inogile kwa nguvu ya Loho wa Imulungu yokala siku zose. Avo, damu yake yosunha mizoyo yetu vinogile ng'hani na kututenda tumsang'hanile Imulungu yeli mgima.

Yoshua 3:10

Yoshua kawalongela, “Sambi mojuwa kamba Imulungu yeli mgima ka hagati yenu na heyo halemelwa kinhu, kowaswaswanya mgameso genu Wakanaani na Wahiti na Wahivi na Wapelizi na Wagiligashi na Waamoli na Wayebusi.

Ugubulo 2:1

“Kwa msenga wa kuulanga wa kibumbila cha wanhu wamtogole Yesu ako Efeso wandike vino, “Usenga uno olawa kwa ayo yogoga nhondo saba mumkono wake wa kudila, heyo yotembela hagati ya vinhu saba va zahabu va kwikila taa.

Ugubulo 2:12

“Kwa msenga wa kuulanga wa kibumbila cha wanhu wamtogole Yesu ako Peligamoni wandike vino, “Usenga uno olawa kwa ayo yeli na panga dikanha kuno na kuno.

Ugubulo 2:18

“Kwa msenga wa kuulanga wa kibumbila cha wanhu wamtogole Yesu ako Tuatila wandike vino, “Usenga uno olawa kwa Mwana wa Imulungu, yeli na meso gong'ala kamba moto ukwaka, na magulu gong'ala kamba shaba isomigwe.

Ugubulo 2:8

“Kwa msenga wa kuulanga wa kibumbila cha wanhu wamtogole Yesu ako Simuna wandike vino, “Usenga uno olawa kwa ayo yeli wa ichanduso na wa ikimambukizo, yakalile yafile, abaho kawa mgima kabili.

Ugubulo 3:1

“Kwa msenga wa kuulanga wa kibumbila cha wanhu wamtogole Yesu ako Salide wandike vino, “Usenga uno olawa kwa ayo yeli na loho saba za Imulungu na nhondo saba. Nijuwa kija kiusang'hana, nojuwa kamba kujuwika kwa mgima kumbe kufa!

Ugubulo 3:14

“Kwa msenga wa kuulanga wa kibumbila cha wanhu wamtogole Yesu ako Laodikea wandike vino, “Usenga uno olawa kwa ayo yokemigwa, Ona, yotamaniligwa na yogubula ukweli, yeli chanduso cha vinhu vose viyaumbile Imulungu.

Ugubulo 3:22

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu!”

Ugubulo 3:7

“Kwa msenga wa kuulanga wa kibumbila cha wanhu wamtogole Yesu ako Filadelifia wandike vino, “Usenga uno olawa kwa ayo yong'ala na mkweli. Ayo yeli na luvugulo lwa Daudi, na yahavugula kuduhu yodaha kuhinda, na yahahinda kuduhu yodaha kuvugula.

1 Samweli 17:26

Daudi kawauza wanhu wakalile behi na heyo, “Vino, munhu yonda yamkome munhu ija wa Iwafilisiti na kuigombola Izilaeli na kinyala kino kotendeligwa choni? Mfilisiti gani ino hengile kumbi yogeza kuwaliga wakalizi wa Mndewa Imulungu yeli mgima?”