2 Wakolinto 13:7 - Biblia Kikutu

⁷ Avo tompula Imulungu sikumutende mbuli yoyose ihile. Siyo kamba tolonda wanhu watugese siye tuhuma, lakini mweye mutende ganogile hata kamba siye tokoneka tulemelwa.

2 Wakolinto 13:7 ပူးပေါင်းရင်းမြစ်များ

Matayo 6:13

Sikuutugele mmagezo, lakini utuhonye na ija Imdumuka. [Kwavija siku zose undewa ni wako na inguvu na ukulu. Ona.’]

Yohana 17:15

Sikupula bule uwasegese mwiisi, lakini nokupula uweke goya kulawa kwa ija Imdumuka.

Walumi 1:28

Kwavija wanhu awo walema kumjuwa Imulungu kwa nzewele zao, Imulungu nayo kawaleka wakweleleze nzewele zao zihile, nao wasang'hana mbuli zigomesigwe kusang'hanwa.

Walumi 12:17

Kamba munhu kakutendela gehile, sikuumbwezele gehile. Tenda ganogile mgameso ga wanhu wose.

Walumi 13:13

Tukaleni goya kamba viwokala wanhu imisi, sikutukale kwa umelo mna zinyimwilinyimwili hebu kwa kukoligwa hebu kwa kufita hebu kwa ugoni hebu kwa kugomba na kuyonela migongo.

Walumi 16:10

Mulamuseni Apele, ija sang'hano yake kwa Kilisito yoneka kuwa inoga. Ndamusileni wanhu wose weli mng'anda ya Alisitobulo.

1 Wakolinto 11:19

Ona molondigwa muigole, ili waja wemile mna uukweli oneke goya.

2 Wakolinto 10:10

Kwavija olonga, “Baluwa za Paulo zizama na zimema mbuli ng'hulu, lakini yahawa hamoja na siye konyolila, na ulonzi wake siyo kinhu chochose!”

2 Wakolinto 10:18

Kwavija munhu yotogoligwa siyo ija yoitogola mwenyego, lakini ija yotogoligwa na Mndewa.

2 Wakolinto 13:6

Lakini notogola mweye mojuwa kuwa siye hatulemelwe bule.

2 Wakolinto 13:8

Kwavija siye hatudaha kuulema ukweli, lakini tougendeleza ukweli.

2 Wakolinto 13:9

Todeng'helela kuwa siye tunyolila, lakini mweye mugangamala, na tompula Imulungu mutelele ng'hani.

2 Wakolinto 6:4

Avo toilagusa kamba kweli twa wasang'hanaji wa Imulungu kwa kila kinhu, kwa kufunga umoyo na kwa kugaya na kwa kipindi kidala na kwa madununzo,

2 Wakolinto 8:21

Siye tolonda kusang'hana ganogile siyo mgameso ga Mndewa yaiyeka, lakini vivija mgameso ga wanhu.

Wafilipi 4:8

Ndugu zangu, nomambukiza kulonga, nzewele zenu zigese mbuli zinogile na zija zilondigwa kutogoligwa. Mbuli azo ziwe za ukweli na ganogile na kutenda golondigwa na kung'ala na kuinogela na kutegelezigwa.

1 Wasesalonike 5:23

Imulungu mwenyego iyotugwaa tindiwalo yawatende muwe wang'alile ng'hani na kwika unhu wenu na loho na mizoyo na lukuli kutali na ubananzi wowose, mna ikipindi cha kubwela Mndewa wetu Yesu Kilisito.

1 Timoseo 2:2

mpuleni Imulungu kwa sama ya wandewa na wanhu wose wayagwe weli na ukulu mziisi, ili tukale na tindiwalo na tukale moyo hole na kumdumba Imulungu na kutenda ganogile.

2 Timoseo 2:15

Wamba ng'hani kusang'hana ganogile mgameso ga Imulungu na uwe msang'hanaji yeliduhu kinyala kwa sang'hano yake, yofundiza goya usenga wa ukweli wa Imulungu.

2 Timoseo 4:18

Mndewa komhonya na gehile gose, na konigala muundewa wake wa kuulanga. Ukulu uwe kwa Imulungu siku zose. Ona.

Yakobo 1:12

Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Imulungu kowagwaa wanhu omnogela.

1 Petulo 2:12

Mkale goya na wanhu hawamtegeleza Imulungu, hamoja owalonga vihile kamba motenda gehile, wagone gaja ganogile gomsang'hana na wamgwelele ukulu Imulungu mwiisiku ya kwiza kwake.