2 Wakolinto 10:1 - Biblia Kikutu

¹ Niye Paulo mwenyego, wanhu wayagwe olonga namuhole kipindi nahawa na mweye, lakini nahawa kutali na mweye namsabalu. Nowapula kwa bazi na moyo unogile wa Kilisito,

2 Wakolinto 10:1 ပူးပေါင်းရင်းမြစ်များ

Zabuli 45:4

Muukulu wako gendelela kwa kuhuma, mbuli ya kweli na uhole na haki, mkono wako wa ukudila ulaguse mbuli ng'hulu.

Matayo 11:29

Soleni nila yangu muifunze kumwangu, kwavija niye simgaza munhu hebu kumbezeli, na mweye mokala mizoyo iholile.

Matayo 21:5

“Dilongele buga da Sayuni, Lola, mndewa wako kokwiza! Muhole na kakwela kihongwe na mwanage kihongwe.”

Sang'hano 8:32

Munhu ayo kakala yosoma hanhu hano mna Gamaandiko Gang'alile, “Kakala kamba ng'hondolo yogaligwa kuchinjigwa, kamba mwana ng'hondolo yanyamale tuulu viyokanhigwa mibahila, halongile mbuli.

Walumi 10:20

Imulungu kagangamiza kulonga kwa mulomo wa Isaya, “Wanhu walekile kunizahila wanyona, niwalawilila wanhu walekile kuuza mbuli zangu.”

Walumi 12:1

Avo, ndugu zangu, kwavija Imulungu kana bazi ng'hani, nowapula ng'hani, ilaveni wenyego kwa Imulungu kamba nhosa ili ngima. Ilaveni wenyego kamba wanhu mung'alile na kumnogeza Imulungu. Ino ayo nzila inogile ya kumtambikila Imulungu.

Walumi 15:15

Lakini mna ibaluwa ino sidumbile kwandika mbuli za kuwakumbuseni mbuli ndodo ziiyeka, nhenda avo kwavija Imulungu kangwaa ng'hekewa,

1 Wakolinto 2:3

Avo vinizile kumwenu, ng'hala bule nguvu na nikala nodumba na kugwaya.

1 Wakolinto 4:10

Siye twawabozi mbuli ya Kilisito, lakini mweye mwa wabala kwa kuilumba na Kilisito! Siye tunyolila, lakini mweye mugangamala! Mweye motegelezigwa lakini siye tokwehuligwa!

1 Wakolinto 4:21

Mweye munogelwa na choni? Nize kumwenu na mbalati, hebu kwa unogelwa na uhole?

2 Wakolinto 10:10

Kwavija olonga, “Baluwa za Paulo zizama na zimema mbuli ng'hulu, lakini yahawa hamoja na siye konyolila, na ulonzi wake siyo kinhu chochose!”

2 Wakolinto 10:2

vondanize sikumunhende niwe msabalu, kwavija nojuwa nodaha kuwa msabalu kwa waja olonga tokala kamba viwokala wanhu wa mwiisi ino.

2 Wakolinto 10:7

Mweye molola mbuli za kunze. Kamba munhu yoyose kogesa heyo munhu wa Kilisito, kolondigwa yagese kabili kuwa siye twa wanhu wa Kilisito kamba viyali heyo.

2 Wakolinto 11:21

Nokona kinyala kulonga siye tunyolila kusang'hana mbuli azo! Nolonga kamba munhu mbozi, kamba munhu yoyose kogeza kuigodela kinhu, na niye vivija sidumba kuigodela.

2 Wakolinto 11:30

Kamba nahaigoda, noigodela kunyolila kwangu.

2 Wakolinto 12:5

Avo noigodela munhu kamba ayo, lakini siigodela mwenyego, ila mbuli za kunyolila kwangu.

2 Wakolinto 3:12

Kwavija siye totamanila avo, hatudumba kulonga.

2 Wakolinto 5:20

Avo, siye tolonga mbuli ya Kilisito, kubitila siye Imulungu kowapula mweye. Towapula kwa twaga da Kilisito, muilumbe na Imulungu.

2 Wakolinto 6:1

Kwavija tosang'hana hamoja na Imulungu, towapula mweye mubokele ng'hekewa ya Imulungu, sikumutogole yage bule.

2 Wakolinto 7:4

Nojuwa mugangamala, noigodela mweye! Nihozigwa moyo ng'hani kipindi chose cha magayo getu, nodeng'helela ng'hani.

Wagalatia 4:13

Mojuwa kuwa utamu awo unhendile kuwapetela Mbuli Inogile kwa mwanza wa ichanduso.

Wagalatia 5:2

Tegelezeni! Niye Paulo nolonga na mweye, mwahatogola kwingila kumbi, Kilisito honda yawafaye chochose.

Waefeso 3:1

Avo, niye Paulo, namfungwa kwavija nomsang'hanila Yesu Kilisito mbuli ya mweye wanhu hamwili Wayahudi, nompula Imulungu.

Waefeso 4:1

Avo, niye nili mfungwa kwavija nomsang'hanila Mndewa, nowapula mukale kamba Imulungu viyawakemile.

Wafilipi 4:5

Muwe wahole kwa wanhu wose, kwavija Mndewa ka mmabehi kwiza.

Wakolosai 1:23

Kamba mwahagendelela kugangamala mditamanilo mulinajo, sikumutogole kutigisigwa na kuleka tamanilo jenu mudipatile vimuhulike Mbuli inogile. Kwa Mbuli ino Inogile, niye Paulo niwa msang'hanaji wa Mbuli ino Inogile, ipetigwe kwa kila munhu mwiisi.

2 Wasesalonike 3:17

Niye Paulo nowalamusa, kwa mkono wangu mwenyego nokwandika vino, vino avo nikaga kilaguso mzibaluwa, vivo nyandikaga.

Filimoni 1:19

Nokwandika gano kwa mkono wangu mwenyego, niye Paulo nokuliha, silonda kukulongela kamba kumwangu kodaigwa ugima wako.

Filimoni 1:9

lakini kwavija nikunogela, tanhu nokupula. Notenda vino hata kamba niye Paulo namvele, na vivija sambi na mkifungo mbuli ya kumsang'hanila Yesu Kilisito.

1 Petulo 2:11

Mbwiga zangu nowapula kamba wabita nzila na wanhu baki hano mwiisi, lekeni kusulukila vihile kwa lukuli ako kugomba siku zose na loho zenu.

Ugubulo 1:9

Niye Yohana ndugu yenu, na kwa kuilumba na Yesu nina fungu hamoja na mweye mna gamagayo na nina fungu hamoja na mweye muundewa wake na kufunga umoyo. Niye ngaligwa kugodekigwa mkisiwa kikemigwa Patimo mbuli ya kuwapetela wanhu mbuli ya Imulungu na kwa mbuli ya kuwalongela wanhu ukweli ugubuligwa na Yesu.