2 Timoseo 2:9 - Biblia Kikutu

⁹ Kwavija nowapetela wanhu Mbuli Inogile nodununzika na ngodekigwa kamba vija munhu yatendile gehile, lakini Mbuli ya Imulungu haigodekigwa bule.

2 Timoseo 2:9 ပူးပေါင်းရင်းမြစ်များ

Wafilipi 1:7

Kwavija mwa muumoyo wangu, vinoga kumwangu kuwagesa, hata kamba namkifungo hebu ndekesigwa, mweye mose muilumba na niye mna ing'hekewa iyanigwelele Imulungu ya kuigombela Mbuli Inogile na kulagusa ukweli wake kwa wanhu.

Sang'hano 28:31

Kawapetela wanhu mbuli za Undewa wa Imulungu na kuwafundiza mbuli za Mndewa Yesu Kilisito, kalonga kwa kugangamala na kubwihila.

2 Timoseo 1:8

Avo sikuukone kinyala kuwalongela wanhu mbuli ya Mndewa, na sikuukone kinyala kuilumba na niye mfungwa wake, lakini ilumbe na niye mna ukugaya mbuli ya Mbuli Inogile, kamba Imulungu viyokugwaa nguvu ya kutenda vivo.

Wakolosai 4:3

Vivija mutupulile na siye kwa Imulungu, ili Imulungu yatugwelele nzila inogile ya kuwapetela wanhu usenga wake mbuli ya vinhu vifisigwe va Kilisito. Kwa mbuli ayo, lekaavo sambi na mkifungo.

2 Timoseo 4:17

Lakini Mndewa kanhaza na kanigwaa nguvu, niwapetela wanhu usenga wake, ili wanhu haweli Wayahudi wauhulike. Mndewa kanihonya na ifa kamba mudilomo da simba.

1 Petulo 2:12

Mkale goya na wanhu hawamtegeleza Imulungu, hamoja owalonga vihile kamba motenda gehile, wagone gaja ganogile gomsang'hana na wamgwelele ukulu Imulungu mwiisiku ya kwiza kwake.

1 Petulo 4:15

Kamba munhu kogaya sikuiwe mbuli ya kukoma hebu ubavi hebu ubananzi wowose hebu kwa kuigela mzimbuli za wanhu.

2 Timoseo 1:12

Kwa mbuli ayo, nodununzika kamba vino, lakini sikona kinyala, kwavija nimjuwa inimtamanila, na nomjuwa goya kodaha kukika goya kija kiyanigwee mbaka siku dija da kubwela kwake.

2 Wasesalonike 3:1

Kukimambukizo, ndugu, tupulileni kwa Imulungu ili usenga wa Mndewa wenele himahima na ubokeligwe goya kamba vija viikalile kumwenu.

Wakolosai 4:18

Nokwandika vino kwa mkono wangu mwenyego. Niye Paulo nomulamusani. Kumbukeni na mkifungo! Ng'hekewa ya Imulungu ikale na mweye mose.

Waefeso 3:1

Avo, niye Paulo, namfungwa kwavija nomsang'hanila Yesu Kilisito mbuli ya mweye wanhu hamwili Wayahudi, nompula Imulungu.

Sang'hano 9:16

Niye mwenyego nomulagusila vonda yadununzike mbuli yangu.”

1 Petulo 3:16

Lakini tendeni vivo kwa uhole na kutegeleza. Tendeni kwa mizoyo ileka kuwatagusa kamba mubananga, ili wose olonga gehile kwa tabiya yenu inogile kwa Kilisito, wagwe kinyala kwa kija kiwolonga.

1 Petulo 2:14

na wakulu wa isi, yawasagule wawakoboze wose otenda gehile na wawatogole waja otenda ganogile.

2 Timoseo 1:16

Nompula Imulungu yawonele bazi wanhu wa mng'anda ya Onesifoli, kwavija kanisamhusa miyanza mingi na hanyonele kinyala kwavija ng'hala mkifungo.

Luka 23:32

Wanhu wabili wayagwe wakalile wabananzi, wagaligwa wakomigwe hamoja na Yesu.

Sang'hano 21:33

Mkulu wa wakalizi kachola mbaka kwa Paulo, kamgoga na kulagiza yagodekigwe minyololo mibili. Abaho kauza, “Munhu gani ino, na katenda choni?”

Wafilipi 1:17

Lakini awo wayagwe oupeta usenga wa Kilisito kwa kuitapa, wabule ukweli, ogesa kuwa odaha kunyongezela madununzo gangu mkifungo.

1 Wasesalonike 1:8

Siyo usenga wiiyeka mbuli ya Mndewa ubwililika kila hanhu ako Makedonia na Akaya, lakini vivija mbuli ya kumtamanila kwenu Imulungu kwenela kila hanhu. Avo hatulonda kulonga ng'hani.

2 Timoseo 2:3

Funga umoyo mna gamagayo hamoja na siye kamba mkalizi yanogile wa Yesu Kilisito.