2 Timoseo 1:3 - Biblia Kikutu

³ Nomtogola Imulungu, inimsang'hanila kwa moyo uleka kunitagusa kuwa nibananga kamba viwatendile wahenga zangu. Nomtogola vinikukumbuka gweye siku zose mna ukumpula kwangu imisi na ikilo.

2 Timoseo 1:3 ပူးပေါင်းရင်းမြစ်များ

Luka 2:37

Nayo kakala mgane mbaka viyavikize miyaka malongo manane na nne. Kipindi chose acho kakala Mng'anda ya Imulungu imisi na ikilo, komgwaa ukulu Imulungu, kopula na kofunga kuja.

Sang'hano 22:3

“Niye na Muyahudi, nivumbukila Taliso mwiisi ya Kilikia. Lakini ng'hulila bahano Yelusalemu kamba mwanahina wa Gamalieli. Nibokela mafundizo kwa kugangamala mna gamalagizo ga wahenga zetu na niilava mwenyego kwa moyo wose kwa Imulungu kamba mose muli hano.”

Sang'hano 23:1

Paulo kawalola bunhuu wanhu wa mkitala, kalonga, “Waizilaeli wayangu! Mbaka lelo nosang'hana goyolonda Imulungu kwa moyo uleka kunitagusa kamba nibananga.”

Sang'hano 24:14

Lakini niye notogola nomgwaa ukulu Imulungu wa wahenga zetu na kuikweleleza nzila ayo iwoikema ya uvizi. Lakini vivija noitogola kila mbuli yandikigwe mna Gamalagizo ga Musa na vitabu va watula ndagu wa Imulungu.

Sang'hano 24:16

Avo siku zose niiyoha ng'hani sambi niwe na moyo unitagusa kamba nibananga mgameso ga Imulungu na mgameso ga wanhu.”

Sang'hano 26:4

“Wayahudi wose wajuwa ving'halile toka haudodo wangu. Wajuwa ving'halile mwiisi yangu na ako Yelusalemu.

Sang'hano 27:23

Kwavija kilo cha jana msenga wa kuulanga wa Imulungu kanizila. Imulungu inimsang'hanila na kumgwaa ukulu.

Walumi 9:1

Niye nolonga ukweli, niye na munhu wa Kilisito, avo siviza bule. Moyo wangu, kwa kuitogolela na Loho Yang'alile, onongela kamba silonga uvizi bule.

2 Wakolinto 1:12

Siye toigodela kinhu kimoja, mizoyo yetu yotulongela vitukala mwiisi ino, ng'hani ng'hani vituilumba na mweye, kwa kung'ala na ukweli kulawa kwa Imulungu. Tutenda vivo siyo kwa kulongozigwa na nzewele za wanhu wa mwiisi, lakini kwa ng'hekewa ya Imulungu.

Wagalatia 1:14

Niye niwahuma Wayahudi wayangu wengi wanileleke nao kwa kukweleleza dini ya Kiyahudi, niwamba ng'hani kuvigoga vihendo vitugweleligwe na wahenga zetu.

Waefeso 1:16

silekile bule kumgwaa nhogolwa Imulungu mbuli ya mweye. Nahampula Imulungu siwasemwa mweye bule.

1 Wasesalonike 3:10

Towamba kumpula Imulungu imisi na ikilo tudahe kuwona meso kwa meso ili kugatenda goya gahunguke mnaukutamanila kwenu.

1 Timoseo 1:19

na goga kutamanila kwako na moyo wako uleka kukutagusa kamba kubananga. Wanhu wayagwe wagaleka higo na wabananga kutamanila kwao.

1 Timoseo 1:5

Kilamuso cha lagizo jangu dino Nikugala unogelwa ulawa muumoyo unogile na moyo uleka kukutagusa kuwa kubananga na kutamanila kwa ukweli.

1 Timoseo 5:5

Mgane yeli yaiyeka, yaliduhu munhu wa kumulolesa, ayo komulolela Imulungu na kogendelela kumpula Imulungu yamtaze imisi na ikilo.

2 Timoseo 1:5

Nokumbuka kutamanila kwako kwa ukweli, kutamanila kuwakalile nako bibi yako Loisi na mamako Enike, nojuwa kuwa na gweye vivija kunako.

2 Timoseo 3:15

Na gweye kojuwa kuwa toka haudodo kugajuwa Maandiko Gang'alile, godaha kukugwaa nzewele zigala ukombola kubitila kumtamanila Yesu Kilisito.

Waebulania 13:8

Yesu Kilisito ayo yuyuja, jana, lelo na siku zose.

1 Samweli 12:23

Lakini niye sidaha kuleka kuwapulila kwa Mndewa Imulungu, nahatenda avo nokuwa nimtendela vihile Mndewa Imulungu, niye nogendelela kuwafunza nzila inogile na ya haki.