2 Samweli 9:3 - Biblia Kikutu

³ Mndewa Daudi kamuuza, “Habule munhu yoyose yasigale muulelo wa Sauli? Kamba kabaho nolonda kumtendela ganogile kamba vinongile kwa Imulungu.” Siba kamulongela, “Kabaho mwanage Yonatani, lakini kalemala magulu.”

2 Samweli 9:3 ပူးပေါင်းရင်းမြစ်များ

2 Samweli 19:26

Mefibosheti kalonga, “Go mndewa, niye msang'hanaji wako na mbetembete, nimulongela Siba yanitandile kihongwe wangu nimkwele ili ny'hole na gweye mndewa, lakini Siba kanivizila.

2 Samweli 19:27

Avo kamvizila niye msang'hanaji wako kumwako gweye mkulu wangu, mndewa. Lakini mndewa wangu gweye kwa kamba msenga wa kuulanga. Tenda jojose diukona dofaya kumwako.

2 Samweli 4:4

Yonatani mwanage Sauli, kakala na mwana yakalile yalemale magulu gake gose mabili. Mwana ayo twaga jake Mefibosheti. Kipindi usenga wa kudanganika kwa Sauli na Yonatani vuuvikile kudibuga da Yezileeli, Mefibosheti kakala na miyaka mitano. Mulezi wa mwana ayo viyahulike Sauli na Yonatani wakomigwa ako Yezileeli, kamnyamula imwana kakimbila nayo. Lakini viyakalile yokimbila, imwana kagwa na kalemala.

2 Samweli 9:13

Avo, Mefibosheti yakalile yalemale migulu yose kakala yokala Yelusalemu, na kakala yoja mmeza ya mndewa siku zose.

2 Samweli 9:7

Daudi kamulongela, “Sikuudumbe niye nokutendela ganogile mbuli ya tatako Yonatani. Ija imigunda yose ya babu yako Sauli nokubwezela, na gweye koja mmeza yangu siku zose.”

Luka 6:36

Muwe na bazi kamba vija Tataenu viyeli na bazi.”

Kumbukumbu 10:15

Vivija Mndewa Imulungu kawanogela iwahenga zenu na kawasagula mweye wanhu wa ulelo wa hewo muwe wanhu zake hanhu ha iwanhu wayagwe wose kamba viili lelo.

Kumbukumbu 4:37

Kwavija kawanogela wahenga zenu na kawasagula mweye na kawalava kulawa mwiisi ya Misili kwa nguvu na udahi,