2 Samweli 7:27 - Biblia Kikutu

²⁷ Kwavija gweye Mndewa Imulungu uli na udahi wose, Imulungu wa Izilaeli, kungubulila niye msang'hanaji wako, kulonga, ‘Noutenda ulelo wako uwe na wanhu wakulu mwiisi,’ avo mmsang'hanai wako kapata moyo wa kupula kuulongozi wako.

2 Samweli 7:27 ပူးပေါင်းရင်းမြစ်များ

2 Samweli 7:11

Na kamba viikalile tangu vinisagule wasemi wa wanhu zangu wa Izilaeli. Niye nokuhumuza kulawa kwa iwanhu okwihila. Vivija niye Mndewa Imulungu nokulongela kamba nokugwaa ulelo.

2 Samweli 7:13

Heyo ayo yonda yazenge ng'anda kwa twaga jangu, na niye nokigangamiza kigoda cha undewa wake milele.

Zabuli 10:17

Gweye Mndewa Imulungu, kuhulika viyopula imunhu mkiwa, komgangamiza na komgwaa nguvu, kotegeleza kililo chake.

Zabuli 40:6

Gweye hulonda nhosa na sadaka, lakini kuvugula magwiti gangu, nhosa za kusoma moto na nhosa za kusegesa nzambi huzilondile.

Kulawa 1:21

Kwavija awo iwang'hunga wakala omdumba Imulungu, Imulungu kawatenda walele wana.

Lusi 4:4

Avo niye nyona nikulongele mbuli ino kamba wahaulonda uugule haulongozi wa iwavele wa wanhu wangu. Wahaulonda mgunda awo lava sente uugombole. Kamba koulonda hebu huulonda longa, kwavija kuduhu munhu wa kuugombola kubanza gweye, na niye wa kabili, na heyo kalonga, “Niye nougombola.”

1 Samweli 2:35

Abaho nomsagula mulava nhosa iyagwe yonda yanitegeleze, kotenda gaja geli mmoyo wangu na nzewele zangu. Nomtendela ulelo ugangamale, nayo konisang'hanila niye siku zose, haulongozi wa ija inimsagule.

1 Samweli 9:15

Avo, Mndewa Imulungu kakala yamgubulile Samweli siku dimoja yang'hali Sauli hanachola, kamulongela,