2 Samweli 7:23 - Biblia Kikutu

²³ Nani yeli kamba wanhu wako Waizilaeli, awo gweye kuchola kuwagombola ili wawe wanhu zako mwenyego. Kuitendela twaga mbuli yako mwenyego na kutenda unzonza mkulu na wa kudumbiza kwa kuwawinga wanhu wa isi ziyagwe na imilungu yao kulawa kuulongozi wa wanhu wako, awo uwagombole kulawa Misili.

2 Samweli 7:23 ပူးပေါင်းရင်းမြစ်များ

2 Samweli 7:24

Kuwasagula wanhu wako Waizilaeli mbuli yako mwenyego, ili wawe wanhu wako milele, na gweye Mndewa Imulungu kuwa Imulungu wao.

Zabuli 106:22

Katenda mbuli za unzonza mwiisi ya Hamu, na mbuli ng'hulu mna ibahali ya Shamu.

Zabuli 111:9

Kawakombola wanhu zake, katenda nao lagano dikalaga milele. Twaga jake ding'ala na dodumbigwa.

Zabuli 145:6

Wanhu olonga mbuli zako za kudumbiza, na niye nosimulila ukulu wako.

Zabuli 147:20

Hanatenda vivo kwa wanhu wa isi yoyose iyagwe, hewo hawagajuwile malagizo gake. Mtogoleni Mndewa Imulungu.

Zabuli 40:5

Go Mndewa Imulungu, Imulungu wangu kutenda mbuli za unzonza. Mbuli ziutwikile haduhu munhu yoyose kamba gweye, maza nilongile na kugasimulila gahandemele.

Zabuli 44:3

Kwavija siyo kwa sime jao waisola isi ayo, wala siyo mkono wao uwakombole, lakini mkono wako wa ukudila na mng'alo wa ikihanga chako, kwavija kuwanogela.

Zabuli 65:5

Kwa unzonza kotwidika kwa haki, gweye Imulungu wa ukombola wetu, gweye ayo tamanilo da wanhu wose okala kuihelela isi, na wanhu okala umwambu wa bahali.

Zabuli 66:3

Mulongeleni Imulungu, “Sang'hano zako za unzonza! Nguvu zako zibanza ng'hani, mbaka iwanhu okwihila oidulika na kudumba.

Kulawa 12:12

“Kilo acho nobita hagati ya isi ya Misili na nowakoma wana wa chaudele wa Wamisili, wose chaudele wa wanhu na chaudele wa wanyama. Noitagusa milungu yose ya Misili. Niye ayo Mndewa Imulungu.

Kulawa 33:16

Vino niye nojuwaze kamba nonogeligwa na gweye, niye na wanhu zako kamba huchola hamoja na siye? Wahachola na siye mbuli ayo yotutenda niye na wanhu zako tuwe wanhu tulieka mna iwanhu wose mwiisi yose.”

Kulawa 6:7

Nowatenda muwe wanhu zangu, na niye nokuwa Imulungu wenu. Mojuwa kamba niye na Mndewa Imulungu, Imulungu wenu, vonda niwalave muutumwa ako Misili.

Kulawa 9:15

Kwavija mbaka sambi nahagolose mkono wangu na kukutowa gweye na wanhu zako na mwahafile mwaka.

Kulawa 9:16

Lakini niwaleka muwe wagima kulagusa udahi wangu avo wanhu wose wa mwiisi wadijuwe twaga jangu.

Kupetigwa 6:27

Mndewa Imulungu kalonga, “Kamba oditambula twaga jangu mbuli ya Waizilaeli, niye nowatendela ganogile.”

Waefeso 1:6

Tumtogole Imulungu mbuli ya ng'hekewa yake inogile iyatugwelele, kubitila Mwanage iyamnogele!

Kumbukumbu 10:21

Heyo ayo wakuigodela, heyo ayo Imulungu wenu, yawatendele mbuli zino ng'hulu na zakudumbiza, zimonile kwa meso genu wenyego.

Kumbukumbu 15:15

Kumbukeni kamba mweye mukala watumwa ako mwiisi ya Misili na Mndewa Imulungu, Imulungu wenu, kawagombola, lekaavo lelo nowalagiza vivo.

Kumbukumbu 33:29

Mmweda mweye Waizilaeli. Nani kamba mweye, mweye mukomboligwe na Mndewa Imulungu, heyo yeli ngao yenu, na sime diwatenda muhume. Wanhu owehila okwiza kuno onyawanyawa mgameso genu, na mweye mowabojoga.

Kumbukumbu 9:26

Nimpula Mndewa Imulungu, nilonga, ‘Go, Mkulu Mndewa Imulungu sikuuwabanange wanhu wako, wanhu wano kuwakombola kulawa mwiisi ya Misili kwa udahi wako na nguvu ng'hulu.

Tito 2:14

Yesu kailava mwenyego mbuli yetu ili yatulekese kulawa mna izinzambi na kututenda wanhu wanogile weli wake mwenyego, wanhu osulukila kutenda ganogile.

Yoshua 7:9

Kwavija Wakanaani hamoja na iwenekae wose wa isi ino oihulika mbuli ino na otuzunguluka na kutusegesa mwiisi sikutoneke. Avo kotenda choni kulagusa ukulu wa twaga jako?”

1 Petulo 2:9

Lakini mweye mwa wanhu musaguligwe, walava nhosa wa kindewa na wanhu wa isi ing'alile, wanhu wa Imulungu, ili mupete mbuli za unzonza ziyatendile, kawakema mulawe mdiziza mwize mmulenge wa kukanganya.

Ugubulo 5:9

Wemba lwila lwa sambi, “Kofaya kukisola ikitabu na kuzibandula zifundo zake za uhota. Kwavija kukala uchinjigwe, na kwa damu yako kumgulila wanhu Imulungu, kulawa kila kabila na ulonzi na isi na lukolo.