2 Samweli 7:22 - Biblia Kikutu

²² Gweye kwa imkulu go Mkulu Mndewa Imulungu, na haduhu Imulungu iyagwe ila gweye, kamba vituhulike kwa magwiti getu.

2 Samweli 7:22 ပူးပေါင်းရင်းမြစ်များ

2 Samweli 22:32

Haduhu yeli Imulungu ila Mndewa Imulungu, haduhu yeli dibwe ila Imulungu wetu.

Zabuli 135:5

Nojuwa kamba Mndewa Imulungu mkulu, na Mndewa wetu mkulu kubanza imilungu yose.

Zabuli 145:3

Mndewa Imulungu mkulu, na kofaya kutogoligwa, ukulu wake haupimigwa.

Zabuli 44:1

Go Imulungu, siye tuhulika kwa magwiti getu, iwahenga wetu watulongela gaja gausang'hane kuzisiku zao, ona gaja gausang'hane siku za ako umwaka.

Zabuli 48:1

Mndewa Imulungu ayo imkulu na kofaya kutogolwa, kudibuga da Imulungu wetu, lugongo lwake lung'ala,

Zabuli 86:10

Kwavija gweye ayo imkulu na kotenda mbuli za kukanganya, gweye wiiyeka ayo Imulungu.

Zabuli 86:8

Gweye Mndewa, hagati ya imilungu haduhu kamba gweye, haduhu yotenda kamba gweye.

Zabuli 89:6

Kwavija nani uchanha kuulanga yoilinga na Mndewa Imulungu? Nani mna iviumbe va kuulanga yalingile kamba Mndewa Imulungu?

Zabuli 89:8

Gweye Mndewa Imulungu uli na udahi wose, nani kamba gweye? Gweye Mndewa Imulungu, gweye mwene nguvu, na kutamanilwa kwako kokuzunguluka.

Zabuli 96:4

Kwavija Mndewa Imulungu ayo imkulu, yofaya kutogoligwa kubanza wose, heyo wa kudumbigwa kubanza imilungu yose.

Kulawa 10:2

Avo, mweye muwasimulile wanenu na wazukulu zenu, viniwagelile bumbuwazi Wamisili kwa kutenda vilaguso hagati yao, na baho mweye mojuwa kamba niye na Mndewa Imulungu.”

Kulawa 15:11

Mndewa Imulungu, mna iwaja oikema mulungu nani kamba gweye? Nani yaigalile na gweye, gweye ung'alile ng'hani, Nani yodaha kutenda unzonza na vinhu vikulu kamba vako?

Kulawa 8:10

Falao kalonga, “Nipulile mayo.” Musa kamwidika, “Notenda kamba viulongile ili ujuwe kuduhu yoyose yaigalile na Mndewa Imulungu, Imulungu wetu.

Kulawa 8:6

Avo Haluni kenula fimbo yake uchanha ya mazi gose ga Misili, na mibula ilawilila na kuigubika isi yose ya Misili.

Kulawa 9:14

Kwavija mwanza uno nokukoboza gweye na watawala zako na wanhu zako, baho kojuwa kamba kuduhu iyagwe mwiisi yose yaigalile na niye.

Kumbukumbu 3:24

‘Go Mndewa, Mkulu Mndewa Imulungu nojuwa kunilagusila niye msang'hanaji wako hanhu hadodo ha ukulu wako na udahi wako. Vino hana imulungu gani kuulanga hebu mwiisi yodaha kusang'hana mbuli ng'hulu kamba ziusang'hane gweye?

Kumbukumbu 32:39

‘Loleni kamba niye ayo Imulungu, na kuduhu iyagwe ila niye. Niye nokoma na nokwika ugima, nolumiza na kuhonya, kuduhu yodaha kumuhonya yoyose mmakono gangu.

Kumbukumbu 4:35

Mweye muzona mbuli azo, ili mujuwe kamba Mndewa Imulungu ayo Imulungu yaiyeka na haduhu iyagwe.

Kumbukumbu 4:39

Avo, muijuwe mbuli ino na muigelegeze mmizoyo yenu, kamba Mndewa Imulungu ayo Imulungu ako kuulanga na hasi mwiisi, na kuduhu iyagwe.

1 Samweli 2:2

“Kuduhu yang'alile kamba Mndewa Imulungu, kuduhu yoyose kubanza heyo, kuduhu dibwe kamba Imulungu wetu.