2 Samweli 7:19 - Biblia Kikutu

¹⁹ Mbuli ino ikala ndodo mgameso gako, Go Mkulu Mndewa Imulungu, kulonga mbuli ya siku zikwiza za ng'anda ya msang'hanaji wako, kumbe vivo utendaga kwa iwanhu, go Mndewa Imulungu wangu!

2 Samweli 7:19 ပူးပေါင်းရင်းမြစ်များ

2 Samweli 12:8

Nikugwaa ng'anda ya mndewa wako, na wehe zake wawe wehe zako, abaho nikugwaa wanhu wa Izilaeli na Yuda uwatawale. Kamba gahakuwile madodo nahakwengeze miyanza mibili ng'hani.

Zabuli 36:7

Unogelo wako hawishaga gweye Mndewa Imulungu, unoga ng'hani! Wana wa iwanhu okimbilila sisila da mabawa gako.

Kupetigwa 16:13

Vino mbuli ndodo gweye kutulava Misili, isi imemile maziwa na uki, ili wize kutukoma kuno kuluwala? Abaho koitenda mkulu wetu!

Kupetigwa 16:9

Vino, mweye mokona mbuli ndodo kumwenu, Mndewa Imulungu kawasagula mweye hagati ya Waizilaeli wose, ili mumkwesele behi na musang'hane mdihema da Mndewa Imulungu, na muwasang'hanile wanhu wose?

Waefeso 2:7

Vivo viyalondile kulagusa kwa kipindi chose chonda kize ukulu wa ng'hekewa yake iyatugwee kwa unogelwa kwa kuilumba kwetu na Yesu Kilisito.

Yoshua 5:14

Na heyo kamwidika, “Aka, niye na imkulu wa iwakalizi wa Mndewa Imulungu, na sambi niza hano.” Yoshua kaidulika mbaka hasi kamtambikila kamuuza, “Go mkulu wangu, niye msang'hanaji wako, kolonda nitende choni?”