2 Samweli 6:16 - Biblia Kikutu

¹⁶ Kipindi sanduku da lagano da Mndewa Imulungu vidikalile dokwingila kudibuga da Daudi, Mikali biti Sauli kasungulila kudidilisha kamona mndewa Daudi kocheza kuno kozumha zumha haulongozi wa Mndewa Imulungu, avo kambezeli mmoyo wake.

2 Samweli 6:16 ပူးပေါင်းရင်းမြစ်များ

2 Samweli 3:14

Daudi kawatuma wasenga kwa Ishibosheti mwanage Sauli, wakamulongele, “Mbwezela mwehe wangu Mikali inimfungile zengele kwa migovi gana dimoja ya Wafilisiti.”

2 Samweli 5:7

Lakini, Daudi kaisola ingome ya Sayuni ikalile izunguluswe luwa lwa mabwe, ako kumwande ijuwigwa kamba buga da Daudi.

2 Samweli 6:15

Avo, Daudi hamoja na wanhu wose wa Izilaeli wadigala disanduku da lagano da Mndewa Imulungu mdibuga da Daudi kwa deng'ho na kwa sauti ya mhalati.

2 Samweli 6:20

Daudi viyabwelile ukayake ili yawatambikile wanhu wa mng'anda mmwake, Mikali mndele wa Sauli kalawa kunze kumbokela kalonga, “Lelo unzonza, mndewa wa Izilaeli kuigela kinyala, kwavija kuvikudula viwalo vako haulongozi wa watumwa wa kitwanzi wa wanhu zako kamba vija munhu yelibule nzewele viyokudula viwalo vake haulongozi wa wanhu bila kinyala!”

Zabuli 123:3

Utonele bazi, go Mndewa Imulungu, utonele bazi siye, kwavija tusitamili va ukutosha bezeli jao.

Zabuli 69:7

Kwavija nisitamili kubezeligwa mbuli yako, kinyala kigubika kihanga changu.

Sang'hano 2:13

Lakini wanhu wayagwe wawageweza, walonga, “Wanhu wano wakoligwa!”

1 Wakolinto 2:14

Munhu yoyose yeliduhu Loho Yang'alile hadaha kubokela vinhu kulawa kwa Loho wa Imulungu. Wanhu wano hawazijuwa mbuli azo, kumwao zokoneka ubozi, kwavija mbuli azo zodahika kufambuligwa kwa kutazigwa na Loho Yang'alile yaiyeka.

1 Samweli 18:17

Sauli kamulongela Daudi, “Ino hano mndele wangu imkulu Melabu, nokugwaa umsole kwa malagano mabili, uwe mkalizi wangu galu, na uitowe ng'hondo ya Mndewa Imulungu.” Kwavija Sauli kagelegeza, “Niye simkoma bule kwa mkono wangu, leka Wafilisiti wamkome.”

1 Samweli 18:20

Avo Mikali mndele wa Sauli kakala yomnogela Daudi. Sauli viyalongeligwe mbuli ayo kadeng'helela ng'hani.