2 Samweli 5:7 - Biblia Kikutu

⁷ Lakini, Daudi kaisola ingome ya Sayuni ikalile izunguluswe luwa lwa mabwe, ako kumwande ijuwigwa kamba buga da Daudi.

2 Samweli 5:7 ပူးပေါင်းရင်းမြစ်များ

2 Samweli 5:8

Siku dijo Daudi kalonga, “Munhu yoyose yonda yawahume Wayebusi yabitile mmuloka wa gamazi ili yawavikile wasuwameso na mbetembete awo omwihila Daudi.” Lekaavo olonga, “Wasuwameso na mbetembete hawengila mng'anda ya kindewa.”

2 Samweli 5:9

Daudi kakala mdibuga dijo, na kadikema, “Buga da Daudi.” Daudi kadizengela luwa buga dijo, kusongela Milo na kwingila mgati.

2 Samweli 6:10

Avo Daudi halondile disanduku da lagano divikile mdibuga da Daudi, avo Daudi kadigala disanduku da lagano da Mndewa Imulungu mng'anda ya Obedi Edomu, Mgiti.

2 Samweli 6:12

Abaho mndewa Daudi viyahulike kamba Mndewa Imulungu kamtendela ganogile Obedi hamoja na wanhu wa mng'anda yake na vinhu vake vose viyakalile navo, mbuli ya sanduku da lagano, avo Daudi kachola kudisola disanduku da lagano da Imulungu dili mng'anda ya Obedi Edomu na kadigala mdibuga da Daudi kwa deng'ho.

2 Samweli 6:16

Kipindi sanduku da lagano da Mndewa Imulungu vidikalile dokwingila kudibuga da Daudi, Mikali biti Sauli kasungulila kudidilisha kamona mndewa Daudi kocheza kuno kozumha zumha haulongozi wa Mndewa Imulungu, avo kambezeli mmoyo wake.

Zabuli 132:13

Kwavija Mndewa Imulungu kaisagula Sayuni, kalonda hawe hanhu hake ha kukala.

Zabuli 2:6

“Na niye nimwika mndewa wangu uchanha ya Sayuni, ulugongo lwangu lung'ala.”

Zabuli 48:12

Tembeleni Sayuni, zungulukeni kudibuga, muvipete ivilingo vake.

Zabuli 48:3

Imulungu kamzingome zake, kailagusa mwenyego kamba mkalizi.

Zabuli 51:18

Kwa ganogile gako uitende Sayuni igendelele, uluzenge kabili luwa lwa Yelusalemu.

Zabuli 87:2

Mndewa Imulungu kodinogela buga da Sayuni, kubanza kae yose ya Yakobo.

Zabuli 9:11

Mtogoleni Mndewa Imulungu, yokala Sayuni! Walongeleni iwanhu wose sang'hano zake!

Walumi 9:33

Kamba vigolonga Maandiko Gang'alile, “Loleni nokwika dibwe ako Sayuni donda diwatende wanhu waikwale, dibwe kulu donda diwalagaze wanhu. Lakini munhu yoyose yonda yamtogole honda yagwe kinyala.”

Waebulania 12:22

Lakini mweye muvika kuna Ulugongo lwa Sayuni, kudibuga da Imulungu yeli mgima, najo dijo Yelusalemu ya kuulanga. Muvika mumting'hano wa deng'ho da wasenga wa kuulanga magana kwa magana.

Ugubulo 14:1

Abaho niluwona Lugongo lwa Sayuni na Mwanang'hondolo kema uchanha yake, kakala na wanhu laki moja na elufu alobaini na nne, mvihanga vao wakala wandikigwe twaga da Mwanang'hondolo na twaga da Tatake.