2 Samweli 5:6 - Biblia Kikutu

⁶ Siku dimoja mndewa Daudi na wanhu zake wachola Yelusalemu kuwatowa Wayebusi wakalile wenekae wa buga dijo. Lakini wao wamulongela Daudi, “Hukwingila ng'o muno, hata wasuwameso na mbetembete okuwinga.” Kwavija wagizaga Daudi hadaha kwingila mdibuga dijo.

2 Samweli 5:6 ပူးပေါင်းရင်းမြစ်များ

Mwanduso 14:18

Na heyo Melikizedeki, yakalile mndewa wa Salemu na vivija yakalile mulava nhosa wa Imulungu yeli Uchanha Ng'hani, kamgalila Abulamu gate na divai,

2 Samweli 22:30

Gweye wahanitaza, nodihuma bumbila da wakalizi, kwa Imulungu wangu nodaha kuzumha luwa.

Nongezi 21:22

Munhu yeli na ubala kovamila buga da wanhu wene nguvu, na kobomola ngome ziwotamanila.

Waebulania 7:1

Melikizedeki kakala mndewa wa buga da Salemu na kakala mulava nhosa wa Imulungu yeli Uchanha Ng'hani. Abulahamu viyakalile kobwela kuitowa na kuwahuma wandewa wane, Melikizedeki kachola kuiting'hana nayo na kamtambikila.

Yoshua 10:3

Avo, Adoni Sedeki imndewa wa Yelusalemu, kagala usenga kwa Hohamu mndewa wa Hebuloni na Pilamu mndewa wa Yalimuti na Yafia mndewa wa Lakishi na Debili mndewa wa Eguloni, kawalongela,

Yoshua 15:63

Lakini iwanhu wa kabila da Yuda hawawawingile bule Wayebusi, awo iwenekae wa Yelusalemu, avo Wayebusi wakala hamoja na iwanhu wa Yuda ako Yelusalemu mbaka lelo.

Yoshua 18:28

na Zela na Haelefu na Yebusi, twaga diyagwe dojuwigwa kamba Yelusalemu, na Gibea na Kiliati Yealimu. Gose kwa gose gakala mabuga longo na nne hamoja na ivijiji vake. Uno awo uhazi wa iwanhu wa kabila da Benjamini kamba viweli mzing'holo zao.

Wasemi 1:21

Lakini iwanhu wa kabila da Benjamini hawawawingile bule Wayebusi wakalile kudibuga da Yelusalemu, avo mbaka lelo Wayebusi okala hamoja na iwanhu wa kabila da Benjamini ako Yelusalemu.

Wasemi 1:8

Wanhu wa kabila da Yuda wadivamila buga da Yelusalemu na wadisola. Wawakoma iwenekae wose kwa mapanga na wadilukuza dibuga kwa moto.