2 Samweli 5:3 - Biblia Kikutu

³ Wavele wose wa Izilaeli wamcholela Daudi ako Hebuloni, na heyo mndewa Daudi katenda lagano na hewo kuulongozi wa Mndewa Imulungu, na hewo wamgidila mavuta Daudi yawe mndewa wa Izilaeli.

2 Samweli 5:3 ပူးပေါင်းရင်းမြစ်များ

2 Samweli 2:4

Wanhu wa Yuda wachola Hebuloni kwa Daudi ili wamgidile mavuta yawe mndewa wao. Daudi viyahulike kamba wanhu wa Yabeshi Gileadi awo wamzikile Sauli,

2 Samweli 2:7

Avo muwe na nguvu na mugangamale, kwavija mndewa wenu Sauli kadanganika, wanhu wa kabila da Yuda wangwaa niye undewa kwa kunigidila mavuta niwe mndewa wao.”

2 Samweli 3:21

Abeneli kamulongela Daudi, “Niye nochola kukuting'hanizila gweye mkulu wangu mndewa wanhu wose wa Izilaeli, okwiza kwika lagano na gweye, ili uwe mndewa wao na gweye uwatawale kamba viulonda.” Avo Daudi kamulaga Abeneli, na heyo kasegela moyo hole.

Kulawa 3:16

Genda ukaiting'hane na wavele wa Izilaeli walongele kamba, ‘Niye Mndewa Imulungu, Imulungu wa wahenga zenu, Imulungu wa Abulahamu na Imulungu wa Isaka na Imulungu wa Yakobo, kandawila na kanilongela.’ Walongele, ‘Niwalola goya na nigona gaja gomutendeligwa mwiisi ya Misili.

Yoshua 10:36

Abaho Yoshua na Waizilaeli wose wasegela ako Eguloni wachola Hebuloni, na wadivamila buga dijo,

Wasemi 11:11

Avo Yefisa kawakweleleza iwavele wa Gileadi, na wanhu wamtenda mkulu wa iwakalizi na kilongozi wao. Yefisa kalonga mbuli zake zose ako Misipa kuulongozi wa Mndewa Imulungu.

1 Samweli 11:15

Wanhu wose viwavikile Giligali, wamsimika Sauli kuulongozi wa Mndewa Imulungu kamba mndewa. Sauli hamoja na wanhu wa Izilaeli wadeng'helela ng'hani, na wamulavila Mndewa Imulungu nhosa za kugala kuilumba.

1 Samweli 16:13

Samweli kasola tabatilo yake ya mavuta na kamgidila Daudi kuulongozi wa ndugu zake. Abaho Loho wa Mndewa Imulungu kahumuluka kwa nguvu kwa Daudi na kukala na heyo. Abaho Samweli kabwela kudibuga da Lama.

1 Samweli 23:18

Wose wabili weka wailagana kuulongozi wa Mndewa Imulungu. Yonatani kabwela ukae, lakini Daudi kasigala kuko kudibuga da Holeshi.