2 Samweli 4:6 - Biblia Kikutu

⁶ Wengila mng'anda waitenda kamba olonda kusola ngano, wamvika Ishibosheti mdigati jake kawasa mulusazi, wamuhoma mmunda. Abaho Lekabu na ndugu yake Baana wakimbila.

2 Samweli 4:6 ပူးပေါင်းရင်းမြစ်များ

2 Samweli 2:23

Lakini Asaheli kalema kuhinduka. Avo Abeneli kamuhoma na sina ya mgoha mwiinda kwa kukisogo, isina ya umgoha ilawilila kumgongo, Asaheli kagwa bahaja kadanganika. Wanhu wose wavikile aho hayadanganikile Asaheli wema.

2 Samweli 20:10

Amasa honile bule umwele ukalile mumkono wa Yoabu. Yoabu kamuhoma mmunda Amasa kwa mkono wa kumoso na utumbo uvaladuka kunze na kadanganika. Yoabu hamuhomile miyanza mibili. Abaho Yoabu na ndugu yake Abishai wagendelela kumzahila Sheba mwanage Bikili.

2 Samweli 3:27

Abeneli viyabwezigwe Hebuloni Yoabu kamsola hamgwazo ya ulwivi lwa dibuga kamba vija kolonda kulonga nayo mbuli kinyelegezi. Baho kamuhoma mgoha wa mmunda mbaka kadanganika kwavija Abeneli kakala yamkomile Asaheli ndugu yake Yoabu.

2 Samweli 4:2

Avo Ishibosheti mwanage Sauli, kakala na wanhu wabili wakalile wakulu wa vibumbila va wakalizi, imoja kakemigwa Baana na iyagwe kakemigwa Lekabu. Awo wakala wanage Limoni wa buga da Beeloti. Buga da Beeloti ikala isi ya kabila da Benjamini.

Wasemi 3:26

Viwakalile obeta Ehudi kalawa kunze kubitila ivinyago va mabwe kachola Seila.