2 Samweli 24:7 - Biblia Kikutu

⁷ wavika kudibuga da Tilo dizungulusigwe na senyenge ya mibwe, wengila mmabuga ga Wahivi na Wakanaani. Abaho wamambukiza na Negebu ya Yuda ako Beelisheba.

2 Samweli 24:7 ပူးပေါင်းရင်းမြစ်များ

2 Samweli 24:2

Avo, mndewa Daudi kamulongela Yoabu mkulu wa wakalizi, “Gendeni mkagazunguluke makabila gose ga Izilaeli kusongela Dani mbaka Beelisheba, mkawapete wanhu ili njuwe viweli.”

2 Samweli 24:8

Viwamambukize kubita isi zose, wabwela Yelusalemu ikala ibitile miyezi tisa na siku malongo mabili.

Yoshua 11:3

Vivija kagala usenga kwa Wakanaani wakalile mwambu wa kudilawila zuwa na mwambu wa kudihongela zuwa na kwa Waamoli na Wahiti na Wapelizi na Wayebusi awo wakalile kuvigongo, na kwa Wahivi wakalile hasi ya ulugongo lwa Helimoni mwiisi ya Misipa.

Yoshua 19:28

na Ebuloni na Lehobu na Hamoni na Kana mbaka ako Sidoni Ing'hulu.

Yoshua 19:29

Abaho ayo imbaka ihinduka ichola Lama na ivika kudibuga da Tilo dikalile dizunguluswe senyenge ya mibwe. Abaho imbaka ihinduka ichola Hosa, na ihelela kuna ibahali. Mabuga gayagwe gakalile mumo gakala Mahalabu na Akizibu,

Yoshua 9:1

Iwandewa wose wakalile umwambu wa lwanda lwa Yolidani, mna iisi ya vigongo na kudibawe na isi yose ili behi na ibahali ing'hulu kulongozela Lebanoni, Wahiti na Waamoli na Wakanaani na Wapelizi na Wahivi na Wayebusi viwahulike mbuli ayo,

Yoshua 9:7

Lakini iwanhu wa Izilaeli wawedika awo Iwahivi, “Vino siye todahaze kutenda lagano na mweye? Sengine mweye mokala behi na siye.”

Wasemi 3:3

Isi azo izo zino, iwakulu watano wa Wafilisiti na Wakanaani wose na Wasidoni na Wahivi wakalile kulugongo lwa Lebanoni kulawa kulugongo lwa Baali Helimoni mbaka ako Lebo Hamati.