2 Samweli 23:1 - Biblia Kikutu

¹ Zino azo zimbuli za kimambukizo za Daudi. Usenga wa Daudi mwanage Yese, usenga wa munhu yatendigwe mkulu na Imulungu. Yasaguligwe na Imulungu wa Yakobo, mwimbaji yanogile wa Izilaeli kwa nyila za Zabuli.

2 Samweli 23:1 ပူးပေါင်းရင်းမြစ်များ

Mwanduso 49:1

Yakobo kawakema wanage kawalongela, “Kweseni behi niwalongele gaja gonda gawalawilile baho kumwande.”

2 Samweli 22:34

Kaigangamiza migulu yangu iwe kamba ya nhelembo, kanika goya uchanha kuinhembeti.

2 Samweli 22:51

Imulungu kamgwaa mndewa wake mhumo ng'hulu, na kalagusa unogelo wake kwa ayo iyamsagule, kwa Daudi na ulelo wake milele.

Zabuli 2:6

“Na niye nimwika mndewa wangu uchanha ya Sayuni, ulugongo lwangu lung'ala.”

Zabuli 72:20

Uno awo uhelelo wa kupula kwa Daudi, imwana wa Yese.

Zabuli 89:20

Nimpata Daudi msang'hanaji wangu, nimgidila mavuta gangu gong'ala.

Zabuli 89:21

Ganza jangu domgogeleza, mkono wangu omgela nguvu.

Luka 20:42

Kwavija Daudi mwenyego kolonga mna ikitabu cha Zabuli, ‘Mndewa Imulungu kamulongela Mndewa wangu, Kala hano mwambu wangu wa mkono wa kudila,

Luka 24:44

Abaho kawalongela, “Mbuli zino azo ziniwalongeleni ving'halile hamoja na mweye, kamba gose gandikigwe mbuli ya niye mna Gamalagizo ga Musa, na gandikigwe na watula ndagu wa Imulungu, na Zabuli galondigwa galawilile.”

Kumbukumbu 33:1

Zino azo mbuli za kutambikila ziyalongile Musa, munhu wa Imulungu, kawalongela wanhu wa Izilaeli yang'hali hanakufa.

Wakolosai 3:16

Usenga wa Kilisito umeme mmizoyo yenu. Ifunzeni na muizume kwa nzewele zose. Mwimbe zabuli na nyila za kumtogola na kumtambikila Imulungu. Mwimbileni Imulungu wenu kwa kumgwaa nhogolwa mmizoyo yenu.

Yakobo 5:13

Kamba munhu yoyose kumwenu kogaya, yampule Imulungu. Munhu yeli na deng'ho, yamwimbile Imulungu nyila za kumtogola.

1 Samweli 17:12

Daudi kakala mwanage Yese, wa lukolo lwa Efulata kulawa Beselehemu mwiisi ya Yuda. Yese kakala na wana wanane wa kimbigalo. Kipindi Sauli viyakalile mndewa, Yese kakala mvele ng'hani.

1 Samweli 18:7

Vivija wakala okwimba nyila za kuigomelela kamba vino, “Sauli kakoma maelufu gake, lakini Daudi kakoma maelufu longo.”

1 Samweli 2:10

Wanhu omwihila Mndewa Imulungu obenigwa vihande vihande, kotowa ng'huwa kumwao kulawa kuulanga. Mndewa Imulungu koitagusa isi yose, komgwaa nguvu mndewa wake, koukweza udahi wa ayo iyamsagule.”