2 Samweli 20:6 - Biblia Kikutu

⁶ Daudi kamulongela Abishai, “Kumbe Sheba mwanage Bikili kolonda kutugalila zumozumo kubanza zumozumo diyatugalile Abisalomu. Sola wasang'hanaji zangu umkweleleze Sheba yang'hali hana kwingila kudibuga dizunguluswe luwa lwa mabwe na sikutumone.”

2 Samweli 20:6 ပူးပေါင်းရင်းမြစ်များ

2 Samweli 10:14

Waamoni viwone Washami okimbila, na hewo vivija wamkimbila Abishai na wengila kudibuga. Yoabu kaleka kuitowa na Waamoni kabwela Yelusalemu.

2 Samweli 11:11

Ulia kamulongela Daudi, “Sanduku da lagano da Imulungu, hamoja na wakalizi wose wa Izilaeli na Yuda okala mvibanda mwiing'hondo. Mkulu wangu Yoabu na wasang'hanaji zake wose weka ng'hambi kuluwala. Nodahaze niye nichole ukayangu nikaje na kung'wa na kuwasa na mwehe wangu? Noiduwila kamba viukala, sitenda mbuli kamba ayo.”

2 Samweli 18:12

Lakini munhu ija kamulongela Yoabu, “Hata kamba nigweleligwe vihande elufu imoja va shaba, sambi ninule mkono wangu kumkoma mwana wa mndewa, kwavija tuhulika mndewa viyawalagize gweye, Abishai na Itai, ‘Kwa kunyonela bazi niye, sikumumtowe ng'hani ija imbwanga Abisalomu.’

2 Samweli 18:2

Daudi kawatuma wakalizi zake mna ivibumbila vidatu, kibumbila cha ichanduso kikala muulongozi wa Yoabu, kibumbila cha kabili kikala muulongozi wa Abishai mwanage Seluya mdodo wake Yoabu na kibumbila cha kadatu kikala muulongozi wa Itai, Mgiti. Daudi kawalongela wanhu wose, “Na niye nochola hamoja na mweye mwiing'hondo.”

2 Samweli 19:7

Avo, ulawe kunze ukalonge na wanhu zako ukawagele moyo. Noiduwila kwa twaga da Mndewa Imulungu kamba hulawile kunze, habule munhu yonda yasigale lelo yahavika ichungulo. Ino yokuwa mbuli ihile ng'hani kumwako kubanza mikubulo yose ikupatile tangu ubwanga wako mbaka sambi.”

2 Samweli 2:18

Wana wadatu wa Seluya, Yoabu, Abishai na Asaheli wakala baho. Asaheli kakala na mbio kamba kigunga.

2 Samweli 21:17

Lakini Abishai, mwanage Seluya, kamtaza Daudi, kamtowa ija Imfilisiti mbaka kamkoma. Avo wanhu waiduwila kwa Daudi walonga, “Hulondeka uchole na siye mwiing'hondo, sambi uizime taa ya Izilaeli.”

2 Samweli 23:18

Vivija Abishai ndugu yake Yoabu mwanage Seluya, kakala imkulu wa awo magalu malongo madatu. Kwa mgoha wake kawatowa wanhu magana madatu, kawakoma na heyo kapata nhogolwa hagati ha awo iwadatu.

2 Samweli 3:30

Yoabu na ndugu yake Abishai wamkoma Abeneli kwavija kakala yamkomile ndugu yao Asaheli mwiing'hondo ako Gibeoni.

2 Samweli 3:39

Hamoja munigidila mavuta niwe mndewa wenu, lakini lelo nabule nguvu. Wano wana wa Seluya wabanza usede, Mndewa Imulungu yawakoboze ng'hani mbuli ya usede wao.”

Maluko 3:24

Kamba undewa wahaigola wenyego na kuitowa, undewa awo ogwa.

1 Samweli 26:6

Daudi kamulongela Ahimeleki yakalile Muhiti, na Abishai ndugu yake Yoabu, mamao kakemigwa Seluya, kalonga, “Nani yochola hamoja na niye kwa Sauli?” Abishai kamulongela, “Niye nochola hamoja na gweye.”