2 Samweli 20:22 - Biblia Kikutu

²² Ija imtwanzi kachola kwa wanhu wose kuno kana magesa gake. Nao wamkanha dipala Sheba mwanage Bikili na kumwasila kunze Yoabu, avo Yoabu katowa mhalati, kawasegesa wanhu zake kulawa kudibuga ajo da Abeli, kila munhu kachola ukayake. Abaho Yoabu kabwela kwa mndewa Daudi, ako Yelusalemu.

2 Samweli 20:22 ပူးပေါင်းရင်းမြစ်များ

2 Samweli 18:16

Abaho Yoabu katowa mhalati, avo mabumbila ga wakalizi waleka kuwakweleleza Waizilaeli, kwavija Yoabu kawagomesa.

2 Samweli 18:17

Wamsola Abisalomu na kumwasila kudisimo kulu kumuhulo, uchanha yake wamwikila lundo kulu da mibwe. Wanhu wose wa Izilaeli wakimbila kila imoja kakimbilila ukayake.

2 Samweli 2:28

Avo Yoabu katowa mhalati na wanhu zake waleka kuwakimbiza wanhu wa Izilaeli, na hawaitowile kabili.

2 Samweli 20:1

Avo, kukala na munhu yehile ng'hani twaga jake Sheba mwanage Bikili, Mbenjamini, katowa mhalati yake kwa nguvu kalonga, “Twabule fungu kwa Daudi, Twabule kinhu kwa mwanage Yese. Mweye wanhu wa Izilaeli, Kila munhu yachole ukayake.”

2 Samweli 20:16

mtwanzi imoja mbala wa buga dijo kalonga, “Tegelezeni, tegelezeni, mulongeleni Yoabu yeze nilonge nayo,”