2 Samweli 20:12 - Biblia Kikutu

¹² Amasa viyakalile kawasa hasi kuno damu yogendelela kulawa na kwenela mnzila, kila munhu yobita haja kakala yokwima. Avo munhu ija viyone wanhu wose okwima haja, kalusegesa lukuli lwa Amasa kalugala mumgunda na kalugubika na kiwalo.

2 Samweli 20:12 ပူးပေါင်းရင်းမြစ်များ

2 Samweli 17:25

Abisalomu kakala yamwikile mkalizi mkulu Amasa hanhu ha Yoabu. Amasa kakala mwanage Yeseli, Mwishimaeli. Mamake kakemigwa Abigaili mndele wa Nahashi, yakalile mdodo wake Seluya, mamake Yoabu.

2 Samweli 2:23

Lakini Asaheli kalema kuhinduka. Avo Abeneli kamuhoma na sina ya mgoha mwiinda kwa kukisogo, isina ya umgoha ilawilila kumgongo, Asaheli kagwa bahaja kadanganika. Wanhu wose wavikile aho hayadanganikile Asaheli wema.

2 Samweli 20:11

Munhu imoja wa Yoabu kema behi ya lukuli lwa Amasa kalonga, “Yoyose yeli kwa Yoabu na komnogela Daudi, yamkweleleze Yoabu.”

2 Samweli 20:13

Amasa viyasegesigwe mna inzila, wanhu wose wakala omkweleleza Yoabu kumzahila Sheba mwanage Bikili.

Zabuli 55:23

Lakini gweye Imulungu kowagala hasi kudisimo da ubananzi, wanhu okwita damu na wehile, hawakala wagima nusu ya siku zao. Lakini niye nokutamanila gweye.

Zabuli 9:16

Mndewa Imulungu kaigubula mwenyego kwa haki yake, iwanhu wehile wagogigwa mna umtego wa sang'hano za makono gao wenyego.