2 Samweli 19:39 - Biblia Kikutu

³⁹ Avo, wanhu wose waloka Yolidani, na mndewa nayo kaloka. Mndewa kamnonela Balizilai na kamtambikila, abaho Balizilai kabwela ukayake.

2 Samweli 19:39 ပူးပေါင်းရင်းမြစ်များ

Mwanduso 14:19

kamtambikila kwa kulonga, “Imulungu yeli Uchanha Ng'hani, yalumbile ulanga na isi, yamtendele ganogile Abulamu!

Mwanduso 28:3

Imulungu yeli na Udahi wose yakutendele ganogile na yakugwee wana bwando, ili uwe tata wa makabila mengi.

Mwanduso 31:55

Imitondo, Labani kawanonela wandele zake na wazukulu zake, kawatambikila abaho kasegela kabwela ukae.

Mwanduso 45:15

Kuno yang'hali kolila Yusufu kawafagatila ndugu zake na kawanonela. Baho ndugu zake walonga nayo.

Mwanduso 47:10

Abaho Yakobo kamtambikila Falao, kasegela.

Mwanduso 47:7

Abaho Yusufu kamgala kwa Falao tatake Yakobo, Yakobo kamtambikila Falao.

2 Samweli 13:25

Mndewa kamwidika, “Hailondigwa siye wose twize, bule tokuwa mzigo kumwako.” Lakini Abisalomu kagendelela kumsusumiza tatake yachole, lakini mndewa kalema, ila kamtambikila.

2 Samweli 14:33

Avo Yoabu kachola kumulongela mndewa mbuli zose zija, mndewa kamkema Abisalomu. Abisalomu kengila mng'anda kaidulika mbaka hasi na heyo mndewa kamnonela.

2 Samweli 19:38

Mndewa kamulongela, “Kimuhamu kochola na niye, na niye nomtendela chochose chuuwona kinoga kumwako, na chochose chuulonda kumwangu, nokutendela.”

2 Samweli 6:18

Daudi viyamambukize kulava nhosa za kusoma moto na nhosa za kugala kuilumba, kawatambikila iwanhu kwa twaga da Mndewa Imulungu yeli na udahi wose.

2 Samweli 6:20

Daudi viyabwelile ukayake ili yawatambikile wanhu wa mng'anda mmwake, Mikali mndele wa Sauli kalawa kunze kumbokela kalonga, “Lelo unzonza, mndewa wa Izilaeli kuigela kinyala, kwavija kuvikudula viwalo vako haulongozi wa watumwa wa kitwanzi wa wanhu zako kamba vija munhu yelibule nzewele viyokudula viwalo vake haulongozi wa wanhu bila kinyala!”

Kupetigwa 24:25

Avo Balaamu kenuka, kasegela kabwela ukae kumwake, vivija Balaki nayo kasegela.

Luka 2:34

Simeoni kawatambikila, kamulongela Malia, “Mwana ino kasaguligwa na Imulungu mbuli ya kupotela na kukomboligwa wanhu wengi wa Izilaeli. Nayo kokuwa kilaguso kulawa kwa Imulungu, na wanhu wengi omulema.

Sang'hano 20:37

Wanhu wose wakala olila na kumulaga kwa kumuhagatila na kumnonela kwa unogelwa mkulu.

1 Wasesalonike 5:26

Walamuseni wanhu wose wamtogole Kilisito kwa nzila ilagusa unogelwa.

Lusi 1:14

Abaho wasonga kulila kwa ming'hwifi ng'hwifi kabili. Avo Olupa kamnonela mama mkwe wake kamulaga, na kabwela kumwao, lakini Lusi kamnanahila.

1 Samweli 24:22

Daudi kaiduwila kwa Sauli. Abaho Sauli kabwela ukayake, lakini Daudi na wanhu zake wachola hana imhango.