2 Samweli 19:28 - Biblia Kikutu

²⁸ Lukolo lugima lwa tatangu lulondigwa lufagiligwe, lakini kunika niye msang'hanaji wako noja mwiimeza yako. Vino nina choni mbaka nigendelele kukulilila mndewa kubanza ago gaung'hendele?”

2 Samweli 19:28 ပူးပေါင်းရင်းမြစ်များ

Mwanduso 32:10

Niye sifaya koneligwa bazi na moyo unogile unitendele niye msang'hanaji wako. Vinilokile mwambu wa Yolidani ng'hala nabule kinhu chochose ila mkongoja, lakini sambi ninago mabumbila gago mabili.

2 Samweli 14:17

Na niye msang'hanaji wako nigesa, mbuli ya mndewa wangu yonitenda niwe na tamanilo mmoyo mmwangu, kwavija gweye mndewa wangu kuigala na msenga wa Imulungu kuna ukufambula ganogile na gehile. Mndewa Imulungu, Imulungu wako yawe hamoja na gweye.”

2 Samweli 14:20

Msang'hanaji wako Yoabu katenda vino ili yahindule mbuli vizili hagati ya gweye na mwanago Abisalomu. Lakini gweye mndewa wangu kuna nzewele nyingi kamba msenga wa Imulungu kogajuwa gose ga mwiisi.”

2 Samweli 15:26

Lakini kamba Mndewa Imulungu hanogeligwe na niye, na yanhende chochose choona kumwake kinoga.”

2 Samweli 16:3

Mndewa kamulongela Siba, “Kakwahi mkulu wako Mefibosheti?” Siba kamulongela, “Kasigala Yelusalemu kwavija kogesa wanhu wa Izilaeli lelo oubweza undewa wa babu yake Sauli.”

2 Samweli 19:29

Mndewa kamulongela, “Habali kogendelela kulonga? Nokulagiza gweye na Siba muigolele migunda ya Sauli.”

2 Samweli 9:10

Gweye na wanago na wasang'hanaji zako momulimila Mefibosheti na momgalila ndiya ili mzukulu wa mkulu wako Sauli yawe na ndiya. Avo Mefibosheti imzukulu wa mkulu wako, koja mmeza yangu siku zose.” Kipindi acho Siba kakala na wana wa kimbigalo longo na tano na wasang'hanaji malongo mabili.

2 Samweli 9:13

Avo, Mefibosheti yakalile yalemale migulu yose kakala yokala Yelusalemu, na kakala yoja mmeza ya mndewa siku zose.

1 Samweli 26:16

Mbuli yutenda hainogile. Noiduwila kamba Mndewa Imulungu viyokala, gweye na wanhu zako molondigwa mukomigwe, kwavija hamumkalize mndewa wenu, yasaguligwe na Mndewa Imulungu. Avo mgoha wa mndewa na kija ikibuyu cha mazi kikalile behi na pala jake va kwahi?”