2 Samweli 18:2 - Biblia Kikutu

² Daudi kawatuma wakalizi zake mna ivibumbila vidatu, kibumbila cha ichanduso kikala muulongozi wa Yoabu, kibumbila cha kabili kikala muulongozi wa Abishai mwanage Seluya mdodo wake Yoabu na kibumbila cha kadatu kikala muulongozi wa Itai, Mgiti. Daudi kawalongela wanhu wose, “Na niye nochola hamoja na mweye mwiing'hondo.”

2 Samweli 18:2 ပူးပေါင်းရင်းမြစ်များ

2 Samweli 17:11

Magesa gangu, uweke hamoja wanhu wose wa Izilaeli kusongela Dani mbaka Beelisheba wawe wengi kamba msanga wa mwhani, abaho gweye uchole mwiing'hondo.

2 Samweli 21:17

Lakini Abishai, mwanage Seluya, kamtaza Daudi, kamtowa ija Imfilisiti mbaka kamkoma. Avo wanhu waiduwila kwa Daudi walonga, “Hulondeka uchole na siye mwiing'hondo, sambi uizime taa ya Izilaeli.”

2 Samweli 23:18

Vivija Abishai ndugu yake Yoabu mwanage Seluya, kakala imkulu wa awo magalu malongo madatu. Kwa mgoha wake kawatowa wanhu magana madatu, kawakoma na heyo kapata nhogolwa hagati ha awo iwadatu.

2 Samweli 8:16

Yoabu mwanage mtwanzi yokemigwa Seluya kakala mkulu wa wakalizi. Yehoshafati mwanage Ahiludi kakala mwandikaji wa kumbukumbu.

Zabuli 3:6

Siwadumba iwanhu maelufu kwa maelufu onihila wanizunguluke kila mwambu.

Wasemi 7:16

Avo kawagola awo iwanhu magana madatu mna ivibumbila vidatu, kawagwaa zimhalati na nongo zili na viwenge mgati.

Wasemi 7:19

Avo Gideoni na iwanhu gana dimoja iwakalile nao wavika kuna ing'hambi kipindi viwasongile isang'hano awo wakalizaga ikilo kikulu. Watowa mhalati na wabena zinongo ziwakalile nazo.

Wasemi 9:43

Kawasola iwanhu zake kawagola mna ivibumbila vidatu, ili wachole kuifisa kumigunda. Viyawone wanhu olawa kudibuga, kalawa kuko kuyaifisile kawakoma.

1 Samweli 11:11

Ulukwili Sauli kagola vibumbila vidatu, wose wachola kuna ing'hambi ya Waamoni na kuwakoboza, mbaka viivikile imisi wakomigwa Waamoni wengi, na waja wasigale wapwililika na kukala kuduhu wakalile hamoja.