2 Samweli 18:14 - Biblia Kikutu

¹⁴ Yoabu kalonga, “Habule chonda unilongele.” Abisalomu viyakalile yang'hali mgima yotinga mdibiki da mwaloni, Yoabu kasola migoha midatu kamuhoma muumoyo.

2 Samweli 18:14 ပူးပေါင်းရင်းမြစ်များ

2 Samweli 12:10

Kwavija kunibezeli niye na kumsola mwehe wa Ulia Muhiti yawe mwehe wako, sime honda disegele ng'o mng'anda yako.’

2 Samweli 14:30

Avo, Abisalomu kawalongela wasang'hanaji zake, “Yoabu kana mgunda wa shaili behi na mgunda wangu. Gendeni mukaugele moto.” Avo wasang'hanaji wa Abisalomu waugela moto mgunda wa Yoabu.

2 Samweli 18:15

Abaho wabwanga longo wampapile vinhu va kuitowela kuna ing'hondo Yoabu, wamzunguluka Abisalomu, wamtowa na kumkoma.

2 Samweli 18:5

Mndewa kamulagiza Yoabu, Abishai na Itai, “Kwa kunyonela bazi niye, sikumumtowe ng'hani ija imbwanga Abisalomu.” Wanhu wose wahulika mndewa kiyawalongele waja iwakulu wa mabumbila mbuli ya Abisalomu.

2 Samweli 19:1

Yoabu kalongeligwa, “Lola mndewa kolila na komuyalalila Abisalomu.”

2 Samweli 19:11

Mndewa Daudi kagala usenga kwa mulava nhosa Sadoki na Abiatali, “Wauzeni wavele wa Yuda, ‘Habali wao wawe wa ikimambukizo kumbweza kabili mndewa ukayake? Kwavija usenga wa Waizilaeli wose univikila niye mndewa.

Zabuli 37:35

Nimona imunhu yehile msede, kaikweza uchanha ya wose kamba mwelezi wa Lebanoni.

Zabuli 45:5

Misale yako ina nhonga, yohoma mizoyo ya wanhu omwihila mndewa, wanhu ogwa hasi yako.

Matayo 12:40

Kamba vija Yona viyakalile siku ndatu imisi na ikilo mna iinda ya somba mkulu, vivo ili kwa Mwana wa Munhu kokala siku ndatu imisi na ikilo hasi ya isi.

1 Wasesalonike 5:3

Wanhu vondawalonge, “Kuna tindiwalo na kuhola,” baho ubananzi owezila kwa kusinhukiza, kamba usungu wa kulela viumwizila mtwanzi yoifungula mwana, na wanhu hawahonyeka bule.

Wasemi 4:21

Lakini Yaeli mwehe wa Hebeli, kasola kigingi cha ikibanda na nyundo, kamkwesela mholemhole kakigongomela kija ikigingi cha ikibanda mna ikihanga cha Sisela na kilawila mbaka hasi, kwavija Sisela kakala kokuluza kwavija kakala yadonhile. Avo, Sisela kafa baho.

Wasemi 5:26

Mkono wa kumoso kagoga kigingi cha ikibanda, na mkono wa ukudila kagoga nyundo ya ufundi, kambiga Sisela kudipala, kamtula ikihanga.

Wasemi 5:31

Go, Mndewa Imulungu, iwanhu okwihila wapotele! Lakini awo okunogela gweye wawe kamba zuwa, vidilawa na kumwemwesa ng'hani!” Isi ikala itindiwale kwa miyaka malongo mane.