2 Samweli 17:8 - Biblia Kikutu

⁸ Komjuwa goya tatako na wanhu zake viwakuwile magalu wa kuitowa, na viwagevuzike kamba simba yabokigwe wanage kupoli. Vivija komjuwa goya tatako viyeli mbala wa kuitowa ng'hondo na ikilo hawasa na iwakalizi.

2 Samweli 17:8 ပူးပေါင်းရင်းမြစ်များ

2 Samweli 15:18

Wasang'hanaji wose wa mndewa, Wakeleti wose, Wapeleti wose na Wagiti magana sita wakalile omkweleleza mndewa Daudi kulawa buga da Gati walongola.

2 Samweli 17:9

Hata vino vitulonga kaifisa mwiimhango hebu hanhu hayagwe. Kamba twahachola kuitowa na hewo na kamba wanhu wa kumwetu wahadanganika, usenga okwenela kamba wanhu wa Abisalomu wahumwa vihile.

2 Samweli 23:16

Avo awo iwadatu waibebenyeka hagati ya misafa ya Wafilisiti, wadeha mazi kulawa mkisima acho behi na lwivi lwa buga da Beselehemu, wamgalila Daudi. Lakini Daudi kalema kugang'wa, kageta hasi kuulongozi wa Mndewa Imulungu.

2 Samweli 23:18

Vivija Abishai ndugu yake Yoabu mwanage Seluya, kakala imkulu wa awo magalu malongo madatu. Kwa mgoha wake kawatowa wanhu magana madatu, kawakoma na heyo kapata nhogolwa hagati ha awo iwadatu.

Nongezi 17:12

Vinoga kuiting'hana na simba mtwanzi yabokigwe wanage, kubanza kuiting'hana na mbozi muubozi wake.

Nongezi 28:15

Mtawala yehile yowatawala wakiwa, kaigala na simba yobuma hebu dubu yovamila.

Wasemi 18:25

Wanhu wa kabila da Dani wamulongela, “Gweye unyamale, sambi wanhu weli na ludoko vitwili wakwizile na kukukoma gweye na wanhu wa mng'anda mmwako.”

1 Samweli 16:18

Msang'hanaji wake imoja kamulongela, “Nimona mbwanga imoja wa Yese, wa buga da Beselehemu, mbwanga ayo kana udahi wa kutowa bango na galu na koitowa ng'hondo vinogile, na kolonga mbuli zinogile na kanoga, Mndewa Imulungu kahamoja na heyo.”

1 Samweli 17:50

Avo ivo Daudi viyamuhumile Goliati kwa ng'humbewe. Kamtowa na kumkoma ija Imfilisiti. Daudi hakalile na sime jojose mmakono gake.

1 Samweli 23:23

Mukamulole kabili kila hanhu ili mujuwe hanhu hoifisa, abaho mwize kunongela hanhu kuyeli. Abaho nochola na mweye kamba yang'hali kuko, avo nomzahila mna zing'holo za wanhu wose wa Yuda.”