2 Samweli 17:17 - Biblia Kikutu

¹⁷ Kipindi acho Yonatani na Ahimaasi wakala waifisile behi na nzasa ya Eni Logeli. Mtwanzi imoja kakala kotumigwa na iwalava nhosa na kawagalila usenga awo Yonatani na Ahimaasi wakalile waifisile ili sikuwoneke okwingila mdibuga. Abaho hewo wamgalila usenga awo mndewa Daudi.

2 Samweli 17:17 ပူးပေါင်းရင်းမြစ်များ

2 Samweli 15:27

Abaho mndewa kamulongela Sadoki, “Bweleni kudibuga kwa tindiwalo, mweye hamoja na wanenu, Ahimaasi mwanago gweye na Yonatani mwanage Abiatali.

2 Samweli 15:35

Walava nhosa Sadoki na Abiatali wahamoja na gweye kudibuga. Avo, chochose chonda uhulike kulawa mwiing'anda ya mndewa uwalongele walava nhosa Sadoki na Abiatali.

2 Samweli 15:36

Wanao wabili, Ahimaasi mwanage Sadoki na Yonatani mwanage Abiatali, wahamoja na hewo. Mbuli yoyose yonda uhulike ungalile kubitila hewo.”

Yoshua 15:7

Imbaka ayo igendelela mbaka ako Debili kubonde da Akoli, na kugendelela umwambu wa kasikazini wa kuchola Giligali buga dikalile diilola na umtelemuko wa Adumimu ukalile mwambu wa kusini wa kubonde. Abaho ayo imbaka igendelela ako kuna inzasa ya Eni Shemeshi na kuhelela ako Eni Logeli.

Yoshua 18:16

Abaho imbaka ibitila hasi ya ulugongo lukalile behi na bonde da mwanage Hinomu, dikalile umwambu wa kasikazini kumgwazo wa bonde da Walefai. Abaho imbaka igendelela hasi kubonde da Hinomu, kusini ya umtelemuko wa Wayebusi na ihumuluka hasi mbaka Eni Logeli.