2 Samweli 15:30 - Biblia Kikutu

³⁰ Lakini Daudi kagendelela kukwela lugongo lwa Mizeituni kuno kolila, kabule vilatu mmagulu na kuno kagubika pala jake, na wanhu wose wakalile hamoja na heyo wagubika mapala gao na wakala olila.

2 Samweli 15:30 ပူးပေါင်းရင်းမြစ်များ

2 Samweli 15:29

Avo Sadoki na Abiatali wadibweza sanduku da lagano da Imulungu mdibuga da Yelusalemu, na hewo wakala kuko.”

2 Samweli 19:4

Mndewa kaigubika kihanga chake na kalila kwa sauti ng'hulu kolonga, “Go mwanangu Abisalomu, go mwanangu Abisalomu.”

2 Samweli 19:5

Avo, Yoabu viyengile mng'anda ya mndewa kamulongela, “Lelo kutugela kinyala siye wasang'hanaji zako, tuugombola ugima wako, na ugima wa wanago wa kimbigalo, na ugima wa wanago wa ikitwanzi, na ugima wa wehe zako, na ugima wa watumwa zako wa kitwanzi.

Zabuli 42:3

Mahozi gagalamuka ndiya yangu imisi na ikilo, akuno iwanhu onongela imisi yose, “Imulungu wako kakwahi?”

Zabuli 43:5

Loho yangu habali konyuluka, Habali kuhomba mgati yangu? Mtamanile Imulungu, kwavija niye nomtogola kabili, heyo ayo mkombola wangu na Imulungu wangu.

Matayo 5:4

Wamweda wanhu waja onyunyuwala, kwavija Imulungu kowahoza!

Luka 19:29

Viyakalile behi na kuvika Betifage na Betania, habehi na Lugongo lwa Mizeituni, kawatuma wanahina zake wabili,

Luka 19:37

Viyakalile behi na kuvika Yelusalemu, hanhu hali na mtelemuko wa Lugongo lwa Mizeituni, lunhu mkulu lwa wanahina zake lusonga kudeng'helela na kumgwaa nhogolwa Imulungu kwa sauti ng'hulu mbuli ya unzonza wauwonile.

Luka 19:41

Yesu viyavikile behi na buga da Yelusalemu na viyawone wanhu wa buga dijo, kawalilila,

Luka 21:37

Kila siku Yesu kakala kofundiza Mng'anda ya Imulungu, na yahavika ichungulo, kacholaga kuna Ulugongo lwa Mizeituni na kakala kuko kilo kigima.

Luka 22:39

Yesu kasegela kudibuga dija kachola kuna Ulugongo lwa Mizeituni, kamba viyazowele, na wanahina zake wamkweleleza.

Sang'hano 1:12

Abaho watumigwa wabwela Yelusalemu kulawa kuna Ulugongo lwa Mizeituni, lukalile utali wa kilometa imoja kulawa buga dija.

Walumi 12:15

Deng'heleleni hamoja na waja odeng'helela, lileni hamoja na waja olila.

1 Wakolinto 12:26

Kamba kiungo kimoja chahalumila, maungo gose gayagwe golumila hamoja nacho na kamba kiungo kimoja chahatogoligwa, maungo gose gayagwe godeng'helela hamoja nacho.